Innsýn//

Innsýn - fagdeild hjúkrunarfræðinga á speglunardeildum

Í hnotskurn er starf hjúkrunarfræðinga á speglunardeild: 

Fjölbreytt hjúkrun - ábyrgðarmikið -krefjandi - mikil sérþekking -mikið samstarf við aðrar heilbrigðisstéttir - ráðgjöf - rannsóknir - mikil nánd við sjúklinga - mjög flókin tæknileg vinna - sjúklingar á öllum aldri - mikið veikir/lítið veikir.

Hvert er hlutverk og ábyrgð hjúkrunarfræðinga á Speglanadeildum?

  • Hjúkrunarfræðingur fylgir sjúklingnum allt rannsóknarferlið, í því felst m.a.:
  • Móttaka og fræðsla til sjúklings og aðstandenda, ráðgjöf fyrir og eftir rannsókn
  • Gera hjúkrunarskráningu, safna nauðsynlegum upplýsingum um viðkomandi.
  • Undirbúa sjúklinginn fyrir rannsókn, hafa allt sem gæti þurft að nota tilbúið, yfirfara tæki og fylgihluti, svo að allt virki rétt.
  • Aðstoða sjúkling og gefa lyf eftir þörfum. Fylgjast með lífsmörkum og skrá.
  • Aðstoða við aðgerð, taka sýni o.fl.
  • Ganga frá sýnum og skráningu, fyljast með sjúklingi þar til hann úrskrifast.

Góð þekking á smitgát og meðferð flókinna og viðkvæmra tækja er nauðsynleg.
Hjúkrunarfræðingur þarf að hafa breiða þekkingu þar sem unnið er með mikið veika sjúklinga í óstöðugu ástandi og einstaklinga utan úr bæ, sem við vitum lítið um. Hjúkrunarfræðingurinn þarf að hafa mjög góða yfirsýn og vera fljótur að átta sig á öllum breytingum og hafa hæfni til að bregðast rétt við óvæntum aðstæðum. Þekkingu á deyfilyfjum, milliverkun, mótefnum o.fl.

Hvaða starfssemi fer fram á Speglanadeildum ?

Eftirfarandi rannsóknir eru framkvæmdar:

  • Magaspeglanir
  • Langar ristilspeglanir (colonosc.)
  • Stuttar ristilspeglanir (sigmoidsc.)
  • Endaþarmsspeglanir (procto)
  • Lungnaspeglanir
  • Gall- og brisspeglanir (ERCP)
  • Holsjárómun - endoscopic ultrasound
  • Holsjársaumun v/ þindarslits - endoscopic cardioplasty
  • PEG - innsetning á magaleggjum - fæðulegg
  • Útöndunarloftsrannsóknir - UBT

Í speglunum er hægt að gera ýmislegt:

  • Stöðva blæðingar
  • Fjarlægja sepa, æxli og aðskotahluti.
  • Fjarlægja gallsteina.
  • Víkka þrengingar í vélinda og víðar.
  • Setja stoðrör.

Símenntun er nauðsynleg öllum hjúkrunarfræðingum, sem vinna við Speglanir, þar sem þróun innan fagsins er mjög ör. Nú fer þjálfun fram á deildunum og tekur 6-12mán.
Unnið er að menntunarmálum og vonandi styttist í skipulagt sérnám.

Stjórn

Herdís Ástráðsdóttir
Formaður






Smelltu á umslagið til að senda tölvupóst til deildarinnar