102:Þessi frétt er runnin út og mun ekki birtast!
Prenta síðu

Alþjóðadagur hjúkrunarfræðinga 12. maí 2005//

 

Fölsuð lyf geta valdið örkuml og dauða.

Hjúkrunarfræðingar ráðast gegn notkun falsaðra og ófullnægjandi lyfja.

 

Hjúkrunarfræðingar um allan heim helga 12. maí, Alþjóðadegi hjúkrunarfræðinga í ár, baráttunni gegn notkun falsaðra og ófullnægjandi lyfja, með því meðal annars að vekja athygli almennings á hinni ógnvænlegu aukningu á fölsuðum lyfjum á markaði í dag. Alþjóðaheilbrigðismálastofnunin (WHO) áætlar að eitt af hverjum 10 lyfjum sem seld eru séu fölsuð, þ.e. með engum læknanlegum áhrifum (medical effect).  Í þróunarlöndunum eru allt að 25% lyfja fölsuð eða ófullnægjandi.  Gróði af sölu svikinna lyfja í heiminum hefur verið metinn allt að 32 milljörðum dollara. 

 

Fölsuð lyf eru ekki einungis kostnaðarsöm fyrir notendur. Þau eru sérstaklega  alvarleg vegna þess að þau stofna lífi og öryggi sjúklinga í hættu og leiða til vantrausts á heilbrigðisstarfsfólki og á gæðum, öryggi og gagnsemi lyfja sem þeir nota. Árið 1992, dóu 233 börn frá Bangladesh eftir að hafa tekið paracetamol –mixtúru sem var spillt með frostlegi.  Árið 1995 dóu 2500 börn í Niger eftir að hafa fengið falsað bóluefni við heilahimnubólgu.  Af einni milljón manna sem farast úr malaríu árlega er talið að hægt væri að koma í veg fyrir allt að  200,000 dauðsföll ef tiltæk lyf væru áhrifarík, af meiri gæðum og notuð á réttan hátt. 

 

“Sjúklingar og notendur eru fórnarlömb falsaðra lyfja.  Til þess að verja þá fyrir skaðlegum áhrifum falsaðra lyfja er nauðsynlegt að veita þeim viðeigandi upplýsingar og fræðslu um afleiðingarnar“ segir Christine Hancock, forseti ICN (International  Council of Nurses).  Sem heilbrigðisstarfsfólk í framvarðalínu, eru hjúkrunarfræðingar í lykilaðstöðu til að auka árvekni gagnvart og umræðu um fölsuð lyf.”

 

Í herferð til að auka öryggi sjúklinga, vekja hjúkrunarfræðingar um allan heim athygli á auknu framboði á fölsuðum og áhrifalitlum lyfjum, auk þess sem þeir berjast fyrir sanngjörnu lyfjaverði.  Hár kostnaður lyfja í þróunarlöndum gera þau of dýr fyrir stóran hluta almennings sem eykur líkur á fölsunum og verður til þess að  fólk sem ekki hefur efni á löglegum lyfjum leitar fremur  auðfengnari, ódýrari kosta.  ICN vinnur með stjórnvöldum, lyfjaiðnaði og yfirvöldum að þessu framtaki og hvetur hjúkrunarfélög í hverju landi að gera slíkt hið sama á sína lands vísu.

Nánari umfjölun um þetta efni er að finna á vefsíðu ICN www.icn.ch

 

Í tilefni dagsins stendur Félag íslenskra hjúkrunarfræðinga í samvinnu við fræðslunefnd félagsins að opnum fundi á Grand Hótel, fimmtudaginn 12. maí kl. 20:00. Fundurinn verður sendur í gegnum fjarfundabúnað til svæðisdeilda er þess óska.

Fundurinn ber yfirskriftina  „Fölsuð lyf geta valdið örkuml og dauða“

Hann hefst með ávarpi formanns Félags íslenskra hjúkrunarfræðinga, Elsu B. Friðfinnsdóttur og síðan flytja erindi Þorbjörg Kjartansdóttir lyfjafræðingur, Arnór Víkingsson læknir og Áslaug Sigurjónsdóttir hjúkrunarfræðingur.

Ragnheiður Gröndal syngur og leikur á píanó fyrir fundarmenn.

Fundurinn er öllum opinn og er aðgangur ókeypis. (sjá dagskrá 12. maí 2005)

 

Dagskráin verður send út á land í gegnum fjarfundabúnað og er miðað við einn fundarstað í umdæmi hverrar svæðisdeildar félagsins.

 

Eftirfarandi eru þeir staðir sem fundinum verður varpað til:

Fjórðungssjúkrahúsið á Akureyri.

Heilbrigðisstofnun Suðurnesja.

Heilbrigðisstofnunin Blönduósi.

Sjúkrahúsið á Ísafirði.

 

 

 

 

 

 


Til baka