Félag íslenskra hjúkrunarfræðinga

Fræðslufundir vegna stofnanasamninga verða í október //

Fræðslufundir vegna stofnanasamninga verða í október
Ætlaðir öllum þeim sem koma að gerð stofnanasamninga
Fræðslufundir fjármálaráðuneytis og stéttarfélaga ríkisstarfsmanna verða haldnir seinni hluta októbermánaðar. Fundirnir verða tveir í Reykjavík, einn á Akureyri og boðið verður upp á fjarfundatengingar frá fundinum þann 31. október. Þeir eru:  Fræðslumiðstöð Vestfjarða, Eyrargötu 2-4, Ísafirði, Menntaskólinn á Egilsstöðum og Framhaldsskóla Austur-Skaftafellssýslu, Höfn í Hornafirði..

Efni tengt fyrirlestrum  í fyrsta hluta sameiginlegrar fræðslu fjármálaráðuneytis og stéttarfélaga ríkisstarfsmanna vegna stofnanasamninga  hefur verið birt á heimasíðu fjármálaráðuneytisins og er aðgengilegt á slóðinni www.stjornendavefur.is/Stjornun/radstefnur/nr/4783.

Fræðslufundirnir eru ætlaðir öllum þeim sem koma munu að gerð stofnanasamninga á vegum stéttarfélaga ríkisstarfsmanna á komandi mánuðum.

Fyrsti hluti fræðslunnar er opin öðrum fulltrúum sem  sæti  eiga í samstarfsnefndum og eftir atvikum einnig trúnaðarmönnum á viðkomandi stofnun.

Skráning fulltrúa á fundina fer fram hjá Endurmenntunarstofnun HÍ,
netfang: www.endurmenntun.is  eða í síma 525-4444.

Fyrsti fundurinn verður á Hótel Nordica í Reykjavík þann 17. október næstkomandi.

Annar fundurinn verður á Hótel KEA á Akureyri þann 19. október næstkomandi.

Þriðji fundurinn verður á Hótel Nordica í Reykjavík þann 31. október næstkomandi.

Allir fundirnir hefjast klukkan 13:00 og á að ljúka samkvæmt dagskrá klukkan 16:30.