Félag íslenskra hjúkrunarfræðinga

Sjúkrahús í fjölda bæja í Danmörku loka vegna þess að þau geta ekki fengið til sín hjúkrunarfræðinga. Dansk sygeplejeråd (DSR)vill fjölga höndum í faginu með því að krefjast launahækkana sem nema 40% á fjórum árum

DSR metur það svo að aflokinni könnun að vöntun á hjúkrunarfræðingum orsakist fyrst og fremst af lélegum launum og vondum vinnuaðstæðum. Þess vegna krefst DSR sögulega mestu hækkunar í kjarasamningum í haust.

"Eigi opinber sjúkrahús að halda hjúkrunarfræðingum auk þess að fá aukinn fjöld ungra til að velja fagið, verða hjúkrunarfræðingarnir að fá rjúkandi reiðufé og betra vinnuumhverfi" segir Connie Krukow, formaður Dansk Sygeplejeråd í viðtali við Morgensavisen Jyllands-Posten þann 17. júni.

Hún lýsir því jafnframt yfir að hjúkrunarfræðingar séu tilbúnir til að fara alla leið í baráttunni fyrir þessum háu launahækkunum.

"Við höfum aldrei staðið sterkari.  Ég get sest við samningaborðið með fullt og skýrt umboð félagsmanna.  Við erum sá faghópur í Danmörku sem mest eftirspurn er eftir og njótum gífurlegs stuðnings almennings”.

   
Lestu þemað "Danmark mangler sygeplejersker"