Félag íslenskra hjúkrunarfræðinga

Starfsfólk St. Jósefsspítala og Sólvangs lýsa óánægju og fordæma vinnubrögð heilbrigðisráðherra//

Yfirlýsing starfsmanna St. Jósefsspítala Sólvangs Hafnarfirði.  05.01.2009.

 

"Varðandi umræðu um breytingu á starfsemi  stofnunarinnar.

Starfsólk  St.Jósesfsspítala Sólvangs Hafnarfirði , lýsir yfir megnri óánægju og fordæmir  vinnubrögð heilbrigðisráðherra Guðlaugs Þórs Þórðarsonar.

Samskiptaleysi  og skortur  á upplýsingum  til starfsfólks hefur skapað  óvissu og kvíða um framtíð okkar og skjólstæðinga okkar".

,,Við erum að gagnrýna samskiptaleysi og skort á upplýsingum til starfsfólks en óvissan hefur skapað óvissu kvíða um framtíð okkar og skjólstæðinga okkar," segir Ragnhildur Jóhannsdóttir deildarstjóri á skurðdeild spítalans.

Fram hefur komið í fjölmiðlum að til standi að flytja ýmsa starfsemi frá St. Jósefsspítala yfir til annarra sjúkrahúsa. Rætt hefur verið um að breyta spítalanum í öldurnarstofnun. Ekki hefur þó verið tilkynnt um breytingarnar. ,,Stjórnendur vita ekkert frekar en við," segir Ragnhildur.

Ragnhildur segir að óvissan hafi áhrif á fjölda fólks sem bíði eftir að komast í aðgerðir á spítalanum. ,,Þær aðgerðir eru lítið framkvæmdar annars staðar," segir Ragnhildur og nefnir ýmsar kvensjúkdómaaðgerðir máli sínu til stuðnings.

Til baka