Fréttasafn eftir mánuðum//

30.08.2007  //

Breytingar á stjórn Fíh

Stjórn Félags íslenskra hjúkrunarfræðinga samþykkti á fundi sínum þann 27. ágúst sl. að skipa Stefaníu Birnu Arnardóttur og Guðrúnu Gyðu Ölvisdóttur sem nýja varamenn í stjórn félagsins.

30.08.2007  //

Breytingar á starfsmannamálum á skrifstofu Fíh

Þær breytingar hafa orðið á starfsmannamálum á skrifstofu Félags íslenskra hjúkrunarfræðinga að Helga Birna Ingimundardóttir, hagfræðingur hefur sagt starfi sínu lausu.

29.08.2007  //

Þjóðarsátt um heilbrigðisþjónustu

Í grein sinni í Morgunblaðinu á laugardaginn 25. ágúst s.l. skrifar Sigrún Gunnarsdóttir hjúkrunarfræðingur um heilbrigðisþjónustuna og drepur m.a. á því að torvelt sé að líta á Landspítala háskólasjúkrahús sem dýrmætan hornstein samfélagsins á meðan um hann er rætt sem byrði vegna óhóflegra útgjalda og vandræða vegna aldraðra og sjúkra sem þangað leita. Hún segir að í sáttmála ríkisstjórnar Geirs Haarde felist mörg tækifæri fyrir heilbrigðisþjónustuna. Þjóðarsátt sé mikilvæg um leiðir og ráðstöfun fjár til úrbóta.

29.08.2007  //

Breskir hjúkrunarfræðingar hræðast mistök við mat á ofbeldi gegn öldruðum

Hræðslan við rangtúlkun á ofbeldi gegn öldruðum gæti samkvæmt könnun staðið í vegi fyrir því að hjúkrunarfræðingar tilkynni um hana. Um 60% af 850 hjúkrunarfræðingum í úrtaki sögðu að slíkar vangaveltur gætu staðið í vegi fyrir því að þeir mundu tilkynna um ofbeldi, á meðan 26% nefndu hræðslu við refsingu af hendi gerandans.

27.08.2007  //

Vefslóðir

Vefumsjón vill vekja athygli á nýjum tengli á vefslóðasíðu vefsvæðisins. www.sums-is.org er vefsvæði Samtaka um sárameðferð

13.08.2007  //

Golfmót hjúkrunarfræðinga

Síðara golfmót ársins verður haldið miðvikudaginn 29. ágúst 2007 kl. 13:00 á golfklúbbnum Oddi.