Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Viðbótarvinnuálag á hjúkrunarfræðinga í bráðaþjónustu

12. desember2012
Lýsandi rannsókn
Sveinfríður Sigurpálsdóttir, Heilbrigðisstofnuninni á Blönduósi
Ragnar F. Ólafsson, Námsmatsstofnun
Helga Bragadóttir, Háskóla Íslands og Landspítala



Störf hjúkrunarfræðinga eru margbreytileg og flókin. Verkefni, sem ekki eru fyrirséð, bætast daglega við venjubundin störf þeirra og getur það haft áhrif á gæði þeirrar hjúkrunar sem veitt er. Fjölmargir samverkandi þættir geta stuðlað að viðbótarvinnuálagi og þannig tafið eða hindrað árangursríka hjúkrun og vellíðan í starfi. Tilgangur þessarar rannsóknar var að meta viðbótarvinnuálag á hjúkrunarfræðinga á bráðasjúkrahúsi. Úrtak rannsóknar voru allir fastráðnir klínískir hjúkrunarfræðingar á Sjúkrahúsinu á Akureyri haustið 2009.

Þátttakendur voru samtals 68 (41,2% svarhlutfall) af öllum deildum sjúkrahússins. Um lýsandi megindlega rannsókn var að ræða. Notaður var spurningalisti um viðbótarvinnuálag (Complexity Compression Questionnaire) sem var þýddur og staðfærður hér á landi. Spurningalistinn inniheldur 28 staðhæfingar um hvað stuðlar að viðbótarvinnuálagi á hjúkrunarfræðinga og hve oft. Staðhæfingarnar eru flokkaðar í stjórnunarþátt, hjúkrunarþátt og einstaklingsþátt. Gagna var aflað með póstkönnun. 

Flestir þátttakendur voru því sammála að ákveðin atriði innan stjórnunarþáttar, hjúkrunarþáttar og einstaklingsþáttar stuðluðu að viðbótarvinnuálagi á hjúkrunarfræðinga. Það sem flestir þátttakenda voru sammála um að stuðlaði að viðbótarvinnuálagi og meira en helmingur hafði skynjað oft eða alltaf á undangengnum mánuði voru: áreiti í vinnuumhverfi sem hafa áhrif á einbeitingu og viðbótarábyrgð vegna kennslu og leiðsagnar nema og nýrra hjúkrunarfræðinga. Með hækkandi starfsaldri sögðust þátttakendur sjaldnar hafa orðið fyrir viðbótarvinnuálagi vegna hjúkrunarþáttar (rho= -0,256, p=0,035).

Niðurstöður benda til þess að ákveðnir þættir í vinnu og vinnuumhverfi hjúkrunarfræðinga á bráðasjúkrahúsum geti stuðlað að viðbótarvinnuálagi og þá frekar á yngri hjúkrunarfræðinga. Áreiti í vinnuumhverfi og viðbótarábyrgð vegna kennslu og leiðsagnar stuðla helst og oftast að viðbótarvinnuálagi á hjúkrunarfræðinga. Mikilvægt er að hjúkrunarfræðingar og stjórnendur í heilbrigðiskerfinu geri sér grein fyrir og bregðist við viðbótarvinnuálagsþáttum. Rannsóknin beinir sjónum að þeim fjölmörgu þáttum sem haft geta áhrif á vinnu hjúkrunarfræðinga.

Lykilorð: Viðbótarvinnuálag, sjúkrahús, hjúkrunarfræðingar, vinna, vinnuálag.

5.tbl.2012: Viðbótarvinnuálag á hjúkrunarfræðinga í bráðaþjónustu: Lýsandi rannsókn

Ritrýnd grein

Til bakagreinasafn

Pistlar og viðtöl

Fagið

Pistlar

Í mars síðastliðnum fór fram námskeið í öruggri lyfjaumsýslu. Námskeiðið var haldið á Laugarvatni á vegum MEDICO-hópsins (nordic Medication Educators’ Collaboration) sem er hópur kennara í hjúkrunarfæði á norðurlöndunum og Eistlandi.

Nánar

Pistill formanns

Félagið

Starfsumhverfi hjúkrunarfræðinga einkennist mjög af því að hjúkrunarfræðinga vantar til starfa á nánast öllum sjúkrahúsum, heilbrigðisstofnunum, hjúkrunarheimilum og á heilsugæslustöðvum á landinu

Nánar

Félagið

Hjúkrun

Mönnunarmál

Vinnumarkaður

Pistlar

Könnun á viðhorfi, ánægju og ýmsum þáttum sem snerta starf hjúkrunarfræðinga.

Nánar

Fræðigreinar

  • Notkun interRAI-upphafsmats til að meta þjónustuþörf í heimahjúkrun og félagslegri heimaþjónustu

    Ingibjörg Hjaltadóttir og Hallveig Skúladóttir

    Mikil fjölgun í hópi þeirra sem vilja búa í sjálfstæðri búsetu þrátt fyrir versnandi heilsufar og óska eftir þjónustu heimahjúkrunar gefur tilefni til þess að skoða kosti þess að nota samræmt matstæki, eins og interRAI-matstækið (Resident Assessment Instrument) sem metur heilsufar, færni og þjónustuþörf þjónustuþega.

    Fagið

    Ritrýnd grein

  • Athafnir og þátttaka eldri borgara

    Margrét Brynjólfsdóttir, Guðrún Pálmadóttir og Sólveig Ása Árnadóttir

    Árið 2013 voru 13,6% íbúa á sunnanverðum Vestfjörðum 65 ára eða eldri. Tilgangur verkefnisins var að rannsaka athafnir og þátttöku í daglegu lífi meðal heimabúandi eldri borgara á þessu svæði.

    Fagið

    Ritrýnd grein

  • Endurskilgreining á lífi og sjálfi: Reynsla yngra fólks af því að fá hjartaáfall

    Birna Gestsdóttir, Árún K. Sigurðardóttir og Sigríður Halldórsdóttir, Heilbrigðisvísindasviði Háskólans á Akureyri

    Lítið er vitað um reynslu „yngri“ Íslendinga af því að fá hjartaáfall. Tilgangur rannsóknarinnar var að auka þekkingu hjúkrunarfræðinga og annarra heilbrigðisstétta á þeirri lífsreynslu að fá hjartaáfall „ungur“ svo að hægt sé að veita þessum sjúklingahóp viðeigandi hjúkrun og þjónustu.

    Fagið

    Ritrýnd grein

  • Mat hjúkrunarfræðinga sem sjá um bráðatilvik á landsbyggðinni á eigin hæfni

    Íris Kristjánsdóttir og Herdís Sveinsdóttir

    Bráðamóttökum landsbyggðarinnar er ætlað að veita skammtímabráðaþjónustu sjúklingum sem hafa slasast eða veikst alvarlega. Tilgangur rannsóknarinnar var að kanna hvernig hjúkrunarfræðingar landsbyggðarinnar, sem taka á móti og sinna bráðveikum og slösuðum sjúklingum, meta hæfni sína.

    Fagið

    Ritrýnd grein

  • Reynsla fólks af auknum þroska í kjölfar sálrænna áfalla

    Hulda Sædís Bryngeirsdóttir og Sigríður Halldórsdóttir
    Rannsóknir á afleiðingum sálrænna áfalla hafa aðallega beinst að neikvæðum afleiðingum þeirra. Tilgangur þessarar rannsóknar var að auka þekkingu og dýpka skilning á reynslu fólks af sálrænum áföllum og auknum þroska í kjölfar þeirra.

    Fagið

    Ritrýnd grein

Þetta vefsvæði notar vafrakökur.

Lesa skilmála