Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Nýr vefur félagsins

1. nóvember 2017

Nýr og endurbættur vefur Félags íslenskra hjúkrunarfræðinga er nú kominn í loftið og leysir af hólmi eldri vef félagins. Fyrir um 10 árum þegar gamli vefurinn var tekinn í notkun markaði hann stór tímamót hjá okkur en er í dag barn síns tíma og hefur þjónað sínum tilgangi. Nýi vefurinn tekur mið af nýjustu kröfum um útlit og notendavænleika og lagar sig að ólíkum skjástærðum. Við hönnunina var haft að leiðarljósi að bæta aðgengi að bæði þjónustu og upplýsingum til hjúkrunarfræðinga og annarra notenda.

Mikilvægur vettvangur fyrir félagsmenn og aðra

Á tímum mikillar notkunar samfélagsmiðla, sem eru orðnir fastur hluti af daglegu lífi fólks, er mikilvægt að ásýnd félagsins fylgi nútímalegum kröfum. Með tilkomu nýja vefsins er komin öflugri vettvangur til samskipta við félagsmenn og alla þá sem áhuga hafa á hjúkrun og hagsmuna- og baráttumálum stéttarinnar. Vefurinn er einn af fyrstu viðkomustöðunum hjá þeim sem leita upplýsinga um allt sem viðkemur hjúkrun. Á vefnum verða birtar fréttir, greinar, pistlar, viðtöl, fræðilegt efni, tölfræðilegar upplýsingar, auglýstir viðburðir og ýmis fróðleikur er viðkemur hjúkrun, auk umfjöllunar um mál sem eru efst á baugi hverju sinni. Jafnframt verður enski hluti vefsins styrktur frekar með viðeigandi upplýsingum fyrir erlenda hjúkrunarfræðinga og aðra gesti vefsins.

Eins og flestum er kunnugt vantar hjúkrunarfræðinga til starfa og er því þessi vettvangur ekki síður mikilvægur til að ná til ungs fólks sem hyggur á háskólanám, eða þeirra sem áhuga hafa á málefnum stéttarinnar. Í því samhengi bendi ég sérstaklega á aðgengilegar upplýsingar um fagdeildir félagsins og fjölbreytta starfsemi þeirra.

Vonast ég til að vefurinn eigi eftir að gagnast öllum notendum vel. Allar ábendingar vel þegnar á hjukrun@hjukrun.is.

 

Til hamingju hjúkrunarfræðingar!

Pistill formanns

Pistlar

Heilbrigðiskerfið

Kjaramál

Landspítali

Mönnun

Til bakagreinasafn

Pistlar og viðtöl

Fagið

Pistlar

Í mars síðastliðnum fór fram námskeið í öruggri lyfjaumsýslu. Námskeiðið var haldið á Laugarvatni á vegum MEDICO-hópsins (nordic Medication Educators’ Collaboration) sem er hópur kennara í hjúkrunarfæði á norðurlöndunum og Eistlandi.

Nánar

Pistill formanns

Félagið

Starfsumhverfi hjúkrunarfræðinga einkennist mjög af því að hjúkrunarfræðinga vantar til starfa á nánast öllum sjúkrahúsum, heilbrigðisstofnunum, hjúkrunarheimilum og á heilsugæslustöðvum á landinu

Nánar

Félagið

Hjúkrun

Mönnunarmál

Vinnumarkaður

Pistlar

Könnun á viðhorfi, ánægju og ýmsum þáttum sem snerta starf hjúkrunarfræðinga.

Nánar

Fræðigreinar

  • Notkun interRAI-upphafsmats til að meta þjónustuþörf í heimahjúkrun og félagslegri heimaþjónustu

    Ingibjörg Hjaltadóttir og Hallveig Skúladóttir

    Mikil fjölgun í hópi þeirra sem vilja búa í sjálfstæðri búsetu þrátt fyrir versnandi heilsufar og óska eftir þjónustu heimahjúkrunar gefur tilefni til þess að skoða kosti þess að nota samræmt matstæki, eins og interRAI-matstækið (Resident Assessment Instrument) sem metur heilsufar, færni og þjónustuþörf þjónustuþega.

    Fagið

    Ritrýnd grein

  • Athafnir og þátttaka eldri borgara

    Margrét Brynjólfsdóttir, Guðrún Pálmadóttir og Sólveig Ása Árnadóttir

    Árið 2013 voru 13,6% íbúa á sunnanverðum Vestfjörðum 65 ára eða eldri. Tilgangur verkefnisins var að rannsaka athafnir og þátttöku í daglegu lífi meðal heimabúandi eldri borgara á þessu svæði.

    Fagið

    Ritrýnd grein

  • Endurskilgreining á lífi og sjálfi: Reynsla yngra fólks af því að fá hjartaáfall

    Birna Gestsdóttir, Árún K. Sigurðardóttir og Sigríður Halldórsdóttir, Heilbrigðisvísindasviði Háskólans á Akureyri

    Lítið er vitað um reynslu „yngri“ Íslendinga af því að fá hjartaáfall. Tilgangur rannsóknarinnar var að auka þekkingu hjúkrunarfræðinga og annarra heilbrigðisstétta á þeirri lífsreynslu að fá hjartaáfall „ungur“ svo að hægt sé að veita þessum sjúklingahóp viðeigandi hjúkrun og þjónustu.

    Fagið

    Ritrýnd grein

  • Mat hjúkrunarfræðinga sem sjá um bráðatilvik á landsbyggðinni á eigin hæfni

    Íris Kristjánsdóttir og Herdís Sveinsdóttir

    Bráðamóttökum landsbyggðarinnar er ætlað að veita skammtímabráðaþjónustu sjúklingum sem hafa slasast eða veikst alvarlega. Tilgangur rannsóknarinnar var að kanna hvernig hjúkrunarfræðingar landsbyggðarinnar, sem taka á móti og sinna bráðveikum og slösuðum sjúklingum, meta hæfni sína.

    Fagið

    Ritrýnd grein

  • Reynsla fólks af auknum þroska í kjölfar sálrænna áfalla

    Hulda Sædís Bryngeirsdóttir og Sigríður Halldórsdóttir
    Rannsóknir á afleiðingum sálrænna áfalla hafa aðallega beinst að neikvæðum afleiðingum þeirra. Tilgangur þessarar rannsóknar var að auka þekkingu og dýpka skilning á reynslu fólks af sálrænum áföllum og auknum þroska í kjölfar þeirra.

    Fagið

    Ritrýnd grein

Þetta vefsvæði notar vafrakökur.

Lesa skilmála