Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Framlag hjúkrunarfræðinga á nýju ári

16. janúar 2018

Nýtt ár er gengið í garð sem vonandi felur í sér ný og spennandi tækifæri. Líkt og við gerum gjarna í byrjun árs setjum við okkur persónuleg áheit, en það er undir hverjum og einum komið hve mikið við leggjum á okkur að ná tilsettum markmiðum og með hvaða hugarfari við nálgumst það. Verður glasið mitt hálf tómt eða hálf fullt á nýju ári?

Árið leggst vel í mig og ég hlakka til að taka þátt í ráðstefnunni Hjúkrun í fararbroddi sem haldin er 18. janúar á vegum Hjúkrunarfræðideildar Háskóla Íslands. Þar er tækifæri til að koma saman og taka þátt í spennandi dagskrá sem spannar mörg fræðasvið hjúkrunar en ráðstefnan er byggð upp á erindum, vinnusmiðjum og veggspjaldakynningum. Aðgangur er ókeypis og ennþá er hægt að skrá sig til leiks. Vonandi sjá sem flestir hjúkrunarfræðingar sér tækifæri til að taka þátt í henni enda nauðsynlegt að koma saman með öðrum hjúkrunarfræðingum á öðrum vettvangi en vinnunni og ná að lyfta sér upp úr dagleg amstri.

Ekki gleyma að huga að eigin heilsu

Byrjun ársins er oft á tíðum mjög þungur tími í heilbrigðiskerfinu sökum árstíðabundinna veikinda og flensufaraldra. Hjúkrunarfræðingar fara ekki varhluta af því í sínu starfi og veikjast einnig eins og aðrir. Ég vil biðja ykkur um að gæta fyrst og fremst að eigin heilsu því án hennar getum við ekki sinnt öðrum, staðið vaktina og veitt góða hjúkrun.

Á þessum fundum kom það berlega í ljós að hjúkrunarfræðingar framtíðarinnar líta á hjúkrun sem launaða vinnu en ekki lífsstíl og starfsumhverfi og launakjör vega þungt þegar kemur að því að velja vinnustað eftir útskrift.

Búið er að halda fundi með 4. árs hjúkrunarfræðinemum í Háskóla Íslands og Háskólanum á Akureyri til að kynna starfsemi félagsins og ræða við þá um framtíðina. Í dag er áætlað að heildarfjöldi nemenda sem gæti útskrifast í vor sé um 115 manns. Það eru góðar fréttir fyrir heilbrigðiskerfið. Það leikur enginn vafi á að þessi árgangur á eftir að láta að sér kveða í réttindabaráttu hjúkrunarfræðinga. Á þessum fundum kom það berlega í ljós að hjúkrunarfræðingar framtíðarinnar líta á hjúkrun sem launaða vinnu en ekki lífsstíl og starfsumhverfi og launakjör vega þungt þegar kemur að því að velja vinnustað eftir útskrift. Mikilvægt er að atvinnurekendur geri sér grein fyrir þessum mikilvægu þáttum. 

Fundur með nýjum heilbrigðisráðherra

Framundan er fundur með nýjum heilbrigðisráðherra og ef marka má málflutning hans á fyrstu dögum í starfi getum við horft bjartsýn fram á árið. Fulltrúar félagsins munu ræða m.a. um  hvar ný tækifæri liggja í framlagi hjúkrunarfræðinga, en einnig deila með ráðherra áhyggjum okkar á brotthvarfi hjúkrunarfræðinga úr heilbrigðisgeiranum. Af nægum upplýsingum er að taka sem sýna alvarleika málsins. 

Konur í heilbrigðiskerfinu hafa sent frá sér yfirlýsingu af kynbundinni mismunun og kynferðislegri áreitni og ofbeldi í starfi líkt og margar aðrar starfstéttir. Fyrir hönd félagsins skrifaði ég undir viljayfirlýsingu um aðgerðir gegn einelti, áreitni og ofbeldi á vinnustöðum sem Vinnueftirlit ríkisins hafði framgang um.

Félagið mun ekki láta sitt eftir liggja og hafin er vinna við viðbragðsáætlun í tengslum við „metoo“ átakið.  Ég vona að árið leggist vel í ykkur og að það verði okkur gott og gjöfult. 

Heilbrigðiskerfi

Hjúkrun

Kjör

Mönnunarmál

Stjórnvöld

Vinnumarkaður

Pistlar

Til bakagreinasafn

Pistlar og viðtöl

Þegar er hafin vinna fyrir komandi kjarasamninga hjá Fíh og er nauðsynlegt að vanda undirbúning þeirrar vinnu vel. Rafræn könnun verður send út núna í nóvember til starfandi hjúkrunarfræðinga og óskað eftir þeirra viðhorfum og væntingum.

Nánar

Fagið

Pistlar

Í mars síðastliðnum fór fram námskeið í öruggri lyfjaumsýslu. Námskeiðið var haldið á Laugarvatni á vegum MEDICO-hópsins (nordic Medication Educators’ Collaboration) sem er hópur kennara í hjúkrunarfæði á norðurlöndunum og Eistlandi.

Nánar

Pistill formanns

Félagið

Starfsumhverfi hjúkrunarfræðinga einkennist mjög af því að hjúkrunarfræðinga vantar til starfa á nánast öllum sjúkrahúsum, heilbrigðisstofnunum, hjúkrunarheimilum og á heilsugæslustöðvum á landinu

Nánar

Fræðigreinar

  • Notkun interRAI-upphafsmats til að meta þjónustuþörf í heimahjúkrun og félagslegri heimaþjónustu

    Ingibjörg Hjaltadóttir og Hallveig Skúladóttir

    Mikil fjölgun í hópi þeirra sem vilja búa í sjálfstæðri búsetu þrátt fyrir versnandi heilsufar og óska eftir þjónustu heimahjúkrunar gefur tilefni til þess að skoða kosti þess að nota samræmt matstæki, eins og interRAI-matstækið (Resident Assessment Instrument) sem metur heilsufar, færni og þjónustuþörf þjónustuþega.

    Fagið

    Ritrýnd grein

  • Athafnir og þátttaka eldri borgara

    Margrét Brynjólfsdóttir, Guðrún Pálmadóttir og Sólveig Ása Árnadóttir

    Árið 2013 voru 13,6% íbúa á sunnanverðum Vestfjörðum 65 ára eða eldri. Tilgangur verkefnisins var að rannsaka athafnir og þátttöku í daglegu lífi meðal heimabúandi eldri borgara á þessu svæði.

    Fagið

    Ritrýnd grein

  • Endurskilgreining á lífi og sjálfi: Reynsla yngra fólks af því að fá hjartaáfall

    Birna Gestsdóttir, Árún K. Sigurðardóttir og Sigríður Halldórsdóttir, Heilbrigðisvísindasviði Háskólans á Akureyri

    Lítið er vitað um reynslu „yngri“ Íslendinga af því að fá hjartaáfall. Tilgangur rannsóknarinnar var að auka þekkingu hjúkrunarfræðinga og annarra heilbrigðisstétta á þeirri lífsreynslu að fá hjartaáfall „ungur“ svo að hægt sé að veita þessum sjúklingahóp viðeigandi hjúkrun og þjónustu.

    Fagið

    Ritrýnd grein

  • Mat hjúkrunarfræðinga sem sjá um bráðatilvik á landsbyggðinni á eigin hæfni

    Íris Kristjánsdóttir og Herdís Sveinsdóttir

    Bráðamóttökum landsbyggðarinnar er ætlað að veita skammtímabráðaþjónustu sjúklingum sem hafa slasast eða veikst alvarlega. Tilgangur rannsóknarinnar var að kanna hvernig hjúkrunarfræðingar landsbyggðarinnar, sem taka á móti og sinna bráðveikum og slösuðum sjúklingum, meta hæfni sína.

    Fagið

    Ritrýnd grein

  • Reynsla fólks af auknum þroska í kjölfar sálrænna áfalla

    Hulda Sædís Bryngeirsdóttir og Sigríður Halldórsdóttir
    Rannsóknir á afleiðingum sálrænna áfalla hafa aðallega beinst að neikvæðum afleiðingum þeirra. Tilgangur þessarar rannsóknar var að auka þekkingu og dýpka skilning á reynslu fólks af sálrænum áföllum og auknum þroska í kjölfar þeirra.

    Fagið

    Ritrýnd grein

Þetta vefsvæði notar vafrakökur.

Lesa skilmála