Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Dvalargestir á Heilsustofnun yngri með ári hverju

11. október 2019

Margrét Grímsdóttir hefur gegnt stöðu framkvæmdastjóra hjúkrunar á Heilsustofnun NLFÍ í Hveragerði frá árinu 2012. Þangað koma um 1400 einstaklingar á ári til endurhæfingar og dvelja að meðaltali í fjórar vikur. Margrét ber ábyrgð á faglegri hjúkrun, á gæðamálum stofnunarinnar og þeirri þjónustu sem þar er veitt.

Streita og krónískir verkir meðal unga fólksins

Á Heilsustofnun kemur fólk í margs konar endurhæfingu, til að mynda vegna öldrunar, bæklunar, offitu- og efnaskipta, og geðendurhæfingar, sem og í verkja- og streitumeðferð. Aldur dvalargesta á Heilsustofnun er frá tvítugu upp í nírætt en að sögn Margrétar er hópurinn að yngjast með hverju árinu. Helsta ástæða innlagnar meðal yngra fólksins er streita og krónískir verkir. Fjöldi manns leitar á Heilsustofnun vegna kulnunar og örmögnunar og fer þeim fjölgandi, en Margrét hefur umsjón með streitumeðferð og streitunámskeiðum sem haldin eru reglulega fyrir þann hóp fólks.

Mikil lífsreynsla að vinna á bráðamóttöku í Florida

Auk þess að starfa á Heilsustofnun hefur Margrét rekið eigin meðferðarstofu þar sem hún býður upp á einstaklings- og parafjölskyldumeðferð, en að loknu hjúkrunarfræðinámi flutti hún til Bandaríkjanna og fór í meistaranám í klínískri félagsráðgjöf sem hún lauk 2001. Hún lauk síðan diplómanámi í fjölskyldumenntun frá Endurmenntun í Háskóla Íslands 2013. Áður en hún hóf störf á Heilsustofnun vann hún á Landspítala og sem félagsráðgjafi í 6 ár á háskólasjúkrahúsi í Florida. Hún segir þá reynslu hafa verið mjög dýrmæta enda vann hún á mörgum deildum, ásamt því að taka vaktir á bráðamóttökunni. „Þetta var mikil lífsreynsla og öðruvísi umfang en hér á landi. Þarna voru alvarleg bílslys mjög algeng, og á svæðinu þar sem ég bjó var víða töluverð fátækt og því fylgir meiri áhættuhegðun. Þetta starf veitti mér gríðarlega lífsreynslu,“ segir Margrét.

„Hjúkrun er frábærasta nám sem hægt er að fara í, mikil fjölbreytni og mörg tækifæri og ég finn að ég hafi gert eitthvað gagn.“
Hjúkrunarfræðin var þó ekki á teikniborðinu hjá Margréti á menntaskólaárunum, heldur hafði hún stefnt á nám í Myndlistarskólanum eftir stúdentspróf. Hún var stödd á Mallorka í útskriftarferð þegar henni snerist hugur, hringdi í móður sína og bað hana að skrá sig í hjúkrunarfræðina. „Og ég var búin að safna í möppu og allt,“ rifjar hún upp. „Hjúkrun er frábærasta nám sem hægt er að fara í, mikil fjölbreytni og mörg tækifæri og ég finn að ég hafi gert eitthvað gagn,“ segir Margrét.

Margrét er 48 ára á 3 börn og tvö barnabörn. Áhugamál hennar eru margvísleg en hún hefur sérstaklega gaman af því að ferðast og elda góðan mat og sameinaði hún það tvennt til dæmis í fyrra þegar hún skellti sér á matreiðslunámskeið í París.
Til bakagreinasafn

Pistlar og viðtöl

Á tímabili hittust Geirný Ómarsdóttir og Inuk Jóhannesson eingöngu á vaktaskiptum með strákana sína tvo og kvöddust í dyrunum þegar þau unnu bæði vaktavinnu á smitsjúkdómadeild A7.

Nánar

Margrét Grímsdóttir hefur gegnt stöðu framkvæmdastjóra hjúkrunar á Heilsustofnun NLFÍ í Hveragerði frá árinu 2012.

Nánar

Allt frá því að Marta Jónsdóttir var barn hefur hún elskað spítalalykt og spítalaumhverfi.

Nánar

Fræðigreinar

  • Þróun skimunartækisins HEILUNG

    Sóley Sesselja Bender, prófessor BS, MS, PhD, sérfræðingur í kynheilbrigði, Hjúkrunarfræðideild Háskóla Íslands

    Tilgangurinn með því að þróa þetta skimunartæki er að meta á heildrænan hátt heilbrigði ungs fólks ásamt undirliggjandi áhættuþáttum, áhættuhegðun og verndandi þáttum. Tækið er ætlað skólahjúkrunarfræðingum í framhaldsskólum.

    Fagið

    Ritrýnd grein

  • Sálfélagsleg líðan fullorðinna einstaklinga eftir innanskúmsblæðingu: kerfisbundið fræðilegt yfirlit

    Sjálfsprottin innanskúmsblæðing (SiB) er kölluð heila- blóðfall yngra fólksins. Sálfélagsleg vanlíðan einstaklinga sem fengið hafa SiB getur valdið þeim erfiðleikum með að ná takti í lífinu, jafnvel mörgum árum eftir áfallið. Þrátt fyrir fjölda rannsókna skortir kerfisbundna samantekt á þeim vanda sem einstaklingar með SiB standa frammi fyrir auk þekkingar á bestu hugsanlegu úrræðum.

    Fagið

    Blóð

    Fagleg málefni

    Forvarnir og fræðsla

    Ritrýnd grein

  • Hið ófyrirséða — fyrirbyggjandi aðgerðir gegn ofbeldi á geðdeildum

    Tilgangur rannsóknarinnar var að kanna hvað kveikti á árásargjarnri hegðun sjúklinga á geðdeildum og hvaða aðferðum starfsfólk beitti til að koma í veg fyrir hana.

    Fagið

    Fagleg málefni

    Geðrækt

    Heilbrigðiskerfi

    Samskipti

    Ritrýnd grein

  • Notkun interRAI-upphafsmats til að meta þjónustuþörf í heimahjúkrun og félagslegri heimaþjónustu

    Ingibjörg Hjaltadóttir og Hallveig Skúladóttir

    Mikil fjölgun í hópi þeirra sem vilja búa í sjálfstæðri búsetu þrátt fyrir versnandi heilsufar og óska eftir þjónustu heimahjúkrunar gefur tilefni til þess að skoða kosti þess að nota samræmt matstæki, eins og interRAI-matstækið (Resident Assessment Instrument) sem metur heilsufar, færni og þjónustuþörf þjónustuþega.

    Fagið

    Ritrýnd grein

  • Athafnir og þátttaka eldri borgara

    Margrét Brynjólfsdóttir, Guðrún Pálmadóttir og Sólveig Ása Árnadóttir

    Árið 2013 voru 13,6% íbúa á sunnanverðum Vestfjörðum 65 ára eða eldri. Tilgangur verkefnisins var að rannsaka athafnir og þátttöku í daglegu lífi meðal heimabúandi eldri borgara á þessu svæði.

    Fagið

    Ritrýnd grein

Þetta vefsvæði notar vafrakökur.

Lesa skilmála