Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Áhugahvetjandi samtal - framhaldsnámskeið

Áhugahvetjandi samtal (e. Motivational Interviewing) er notað bæði með fullorðnum og unglingum sem gætu verið í þörf fyrir breytingar á lífsstíl eða hegðun. Aðferðin sem hér er um að ræða miðar að því að virkja vilja skjólstæðings til jákvæðra breytinga á lífsstíl og hegðun. Starfsmenn efla færni sína í að mæta skjólstæðingi þar sem hann er staddur, laða fram og ýta undir hugsanir og tillögur hans sjálfs um jákvæðar breytingar.

Fagfólk sem tileinkar sér þessa aðferð eflir færni sína í að aðstoða fólk í að breyta hegðun. Mikilvægt einkenni áhugahvetjandi samtals er einnig að forðast ákveðnar leiðir í samtalinu sem eru til þess fallnar að ýta undir mótþróa og draga úr vilja til breytinga. Borin er virðing fyrir sjálfstæði skjólstæðingsins, rétti hans og getu til að taka eigin ákvarðanir innan viðeigandi marka hverju sinni.

Reynsla þeirra sem hafa lært og notað áhugahvetjandi samtal er að vinnan verður skemmtilegri og árangursríkari, sem getur dregið úr líkum á kulnun í starfi. Rannsóknir hafa leitt í ljós að umrædd nálgun ber árangur bæði í bráðaþjónustu og meðferðarvinnu.

Á þessu framhaldsnámskeiði er dýpkað á skilningi á fræðilegum atriðum, með sérstakri áherslu á æfingar, en einnig verður kafað dýpra í anda Áhugahvetjandi samtals og sérstök áhersla lögð á að æfa að mæta viðnámi í samtölum (e. Rolling with Resistance). Greiningarkerfið MITI verður rifjað upp, en þátttakendur skila inn einum 20 mín. löngum samtalsbút (í starfrænu formi) til greiningar í kjölfar námskeiðs. Svo verður veitt persónuleg endurgjöf í gegnum síma, eftir samkomulagi. Nauðsynlegur undanfari er þátttaka á grunnnámskeiði á vegum Áhugahvatar (eða sambærilegt, t.d. erlendis).

 


Áhugahvetjandi samtal - framhaldsnámskeið

Hefst 13. maí 2019

Skráningu lýkur 12. maí

Verð

55.000 kr.

Dagar

13. og 14. maí 2019

Tími

9:00-16:00

Umsjón

Dr. Helga Sif Friðjónsdóttir og Héðinn Svarfdal Björnsson, MA

Staðsetning

Húsnæði Fíh, Suðurlandsbraut 22, 108 Reykjavík

Nauðsynlegur undanfari er þátttaka á grunnnámskeiði á vegum Áhugahvatar (eða sambærilegt, t.d. erlendis).

Þetta vefsvæði notar vafrakökur.

Lesa skilmála