Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Akureyri: Áhugahvetjandi samtal

Áhugahvetjandi samtal (e. Motivational Interviewing) er notað bæði með fullorðnum og unglingum sem gætu verið í þörf fyrir breytingar á lífsstíl eða hegðun. Sumir hafa hugsanlega ekki komið auga á þörf fyrir breytingar eða eru alfarið á móti þeim, á meðan aðrir hafa íhugað breytingar en eru á báðum áttum. Samtalsstílinn sem hér er um að ræða miðar að því að virkja vilja skjólstæðings til jákvæðra breytinga á lífsstíl og hegðun. Starfsmenn efla færni sína í að mæta skjólstæðingi þar sem hann er staddur, laða fram og ýta undir hugsanir og tillögur hans sjálfs um jákvæðar breytingar. Aðferðin byggist á skilningi starfsmannsins á ferli samtalsins og vilja til samvinnu. 

Fagfólk sem tileinkar sér þessa aðferð eflir færni sína í að aðstoða fólk í að breyta hegðun. Mikilvægt einkenni áhugahvetjandi samtals er einnig að forðast ákveðnar leiðir í samtalinu, eins og siðapredikanir, sem eru til þess fallnar að ýta undir mótþróa og draga úr vilja til breytinga. Borin er virðing fyrir sjálfstæði skjólstæðingsins, rétti hans og getu til að taka eigin ákvarðanir innan viðeigandi marka hverju sinni.

Reynsla þeirra sem hafa lært og notað áhugahvetjandi samtal er að vinnan verður skemmtilegri og árangursríkari, sem getur dregið úr líkum á kulnun í starfi. Rannsóknir hafa leitt í ljós að umrædd nálgun ber árangur bæði í bráðaþjónustu og meðferðarvinnu.

Á námskeiðinu er farið yfir fræðilegan bakgrunn, grunnhugmyndir og áhersla er lögð á æfingar. Fjallað er um kóðun á samtalsbútum og greiningarkerfið MITI kynnt, en það kerfi tryggir gæði í framkvæmdinni og að aðferðin sé notuð rétt. Þátttakendur skila inn einum 20 mín. löngum samtalsbút (í starfrænu formi) til greiningar á meðan á námskeiðinu stendur.

Þátttökugjald: 55.000 kr. Innifalið í þátttökugjaldi eru námskeiðsgögn og kaffi/te í hléum.

Þátttaka á námskeiðið staðfestist við greiðslu þátttökugjalds. Uppselt var á síðasta námskeið. Vegna mikils áhuga á námskeiðinu eru skráðir aðilar beðnir um að láta kennara vita ef þeir forfallast á námskeiðið með því að senda póst á netfangið ahugahvot@ahugahvot.net Ef hægt er að bjóða öðrum að nýta plássið fæst þátttökugjaldið endurgreitt.


Akureyri: Áhugahvetjandi samtal

Hefst 03. júní 2019

Skráningu lýkur 02. júní

Verð

55.000 kr.

Dagar

3. og 4. júní 2019

Tími

9:00-16:00

Umsjón

Dr. Helga Sif Friðjónsdóttir og Héðinn Svarfdal Björnsson, MA

Staðsetning

Kjarni, kennslustofa. 2. hæð, SAK

Athugið að þátttaka á námskeiðið staðfestist við greiðslu þátttökugjalds.

Þetta vefsvæði notar vafrakökur.

Lesa skilmála