Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

The Work

19. október 2019

Gleði og sátt . . . með ‘The Work’

Þriggja daga vinnustofa með aðferðinni ‘The Work’ sem þróuð er af Byron Katie höfund metsölubókarinnar Elskaðu það sem er. ( Sjá nánar www.thework.com )

Aðferðin The Work er einföld og áhrifamikil leið til að hafa áhrif á hugarfar, aðstæður og líðan með því að takast á við streituvaldandi hugsanir á uppbyggilegan hátt.

Að öðlast innri frið og yfirvegun gerir okkur kleift að gera það besta úr vandamálunum og takmarka þær hugsanir sem annars geta orðið rótin að enn meiri vanda. Í hugleiðslu með fjórum spurningum og viðsnúningi rannsökum við hugsun og mynstur sem valda streitu og jafnvel þjáningu. Svörin liggja innra með hverjum og einum og leiða til frelsis, gleði og friðar. Í grunninn felur aðferðin The Work í sér að taka eftir hugsunum sínum, skilja eigin hugsanir (hugsun gerir engum mein fyrr en fólk fer að trúa þeim), og að átta sig á hugsuninni á bak við þjáninguna (skilja upprunalegu orsökina.)

The Work hefur reynst vel á heilbrigðisstofnunum og var kennd á LSH í maí 2017 af Ernest Holm Svendsen. Helga Birgisdóttir var aðstoðarmaður hans þá og hefur kennt þessa praktísku aðferð síðan.

Leiðbeinandi er Helga Birgisdóttir – Gegga. Helga hefur starfað í yfir 30 ár sem hjúkrunarfræðingur, nú síðast á geðsviði LSH. Hún er einnig NLP meðferðar- og markþjálfi og býður upp á einstaklingsmeðferðir. Helga er einnig myndlistakona www.gegga.is og skapari SMILER hljóðfæris gleðinnar www.smiler.is

Ath. Þáttakendur eru hámark 8 manns.
Tími: 19. - 21. okt. 7 klst á dag í 3 daga. Frá kl 9 -16
Staður: Félag íslenskra hjúkrunarfræðinga
Þátttökugjald er kr. 39.800 (námskeiðið getur verið styrkt af stéttarfélögum)
Skráning og nánari upplýsingar hjá Helgu; gegga@smiler.is eða í síma 8980778.

Eckhart Tolle segir: “The root cause of suffering is our identification with our thoughts. The Work is a razor sharp sword that cuts through the illusion and enables you to know for yourself the timeless essence of your being.”
Ummæli þátttakenda á námskeiðum hjá Helgu.
- Lærði að vera fær um að sleppa tökunum án eftirsjár. Að öðlast meiri skilning og víðsýni með því að breyta tilteknum hugsunum.
- Vissi ekki alveg hvað ég var að fara út í en var mjög ánægð. Helga er frábær leiðbeinandi.
- Eins gott námskeið og vel gert og hægt er.
-Mjög árangurrík leið til streitulosunar.
-Vinnustofan stóðst væntingar og rúmlega það. Ég var ekki alveg viss um hvað ég var að fara út í og átti ekki von á svona djúpri persónulegri vinnu.
- Aðferðin kom mér á óvart á mjög jákvæðan hátt. Ég mæli eindregið með þessu námskeiði.
- Námskeiðið var mjög gagnlegt og ég hlakka til að nota þetta nýja verkfæri sem er einfalt en mun krefjast þjálfunar.
- Mjög góð upplifun og mjög gagnlegt.
- Lifandi kennsla. Kennarinn er mjög góður.
- Ég vil endilega fá framhald.


Til bakaAðrir viðburðir

Þetta vefsvæði notar vafrakökur.

Lesa skilmála