Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Starfmat hjá sveitarfélögum frestast, laun hækkuð um 3,4%

RSSfréttir
7. júní 2018

Í kjarasamningum Sambands íslenskra sveitarfélaga við Félag íslenskra hjúkrunarfræðinga frá árinu 2016 var samið um upptöku starfsmatskerfisins SAMSTARF.  Aðgerðaráætlun sem fylgir kjarasamningunum gerir ráð fyrir innleiðingu starfsmatsins í þremur skrefum, en innleiðingarferlinu átti að vera lokið fyrir 1. júní 2018.

Reyndin hefur orðið sú að mat á störfum samkvæmt starfsmati tók lengri tíma en gert var ráð fyrir í kjarasamningum. Það liggur því fyrir að innleiðingarferli starfsmats fyrir hjúkrunarfræðinga sem starfa hjá sveitarfélögum var ekki lokið fyrir 1. júní 2018.

Niðurstaða:

Til að bregðast við þessum aðstæðum og tryggja örugga innleiðingu starfsmats hafa aðilar orðið sammála um eftirfarandi:

  • Frá 1. júní 2018 gildir bráðabirgðaröðun starfa áfram þar til starfsmatsniðurstaða og ný launaröðun liggur fyrir.
  • Launatafla fyrir bráðabirgðaröðun starfa hækkar um 3,4% frá 1. júní 2018.   
  • Þrátt fyrir tafir á upptöku starfsmats gildir starfsmatsniðurstaða engu að síður frá 1. júní 2018 samkvæmt gildandi launatöflu starfsmatsfélaga.
  • Verði niðurstaða starfsmats hærri en bráðabirgðaröðun mun starfsmaður raðast samkvæmt henni þegar hann hefur afsalað sér föstum viðbótargreiðslum eða þeim verið sagt upp í samræmi  útfærslu reiknivélar 2.
  • Verði niðurstaða starfsmats lægri en bráðabirgðaröðun ber að lækka röðun starfsins til samræmis við þá niðurstöðu þremur mánuðum eftir að starfsmatsniðurstaða hefur verið tilkynnt af framkvæmdanefnd.
  • Stefnt skal að því að innleiðingu starfsmats verði lokið eigi síðar en 31. desember 2018.

 

Til baka

Þetta vefsvæði notar vafrakökur.

Lesa skilmála