Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Kosning í trúnaðarmannaráð Fíh starfstímabilið 2019–2021

RSSfréttir
1. febrúar 2019

Ágæti trúnaðarmaður.

Viltu hafa áhrif á laun og kjarasamninga hjúkrunarfræðinga?
Auglýst er eftir trúnaðarmönnum í trúnaðarmannaráð, og þurfa framboð að berast fyrir 1. mars 2019.

Hlutverk trúnaðarmannaráðs er að:

  • Vera samninganefnd Fíh innan handar við gerð kjarasamninga.
  • Vinna að undirbúningi kröfugerðar Fíh á hverjum tíma með starfsmönnum kjara- og réttindasviðs.
  • Vinna að áherslumálum Fíh í kjaramálum.
  • Gegna ráðgjafahlutverki, en ráðið kemur þó ekki beint að gerð kjarasamninga.

Í ráðinu sitja samtals 18 fulltrúar auk starfsmanna kjara- og réttindasviðs Fíh. Skipan í ráðið tekur mið af viðsemjendum Fíh í miðlægum kjarasamningum og skiptist hún þannig:

Frá ríki, stofnunum þar sem hjúkrunarfræðingar vinna samkvæmt kjarasamningi við fjármálaráðherra fyrir hönd ríkissjóðs, sitja fulltrúar frá hverri heilbrigðisstofnun ríkisins.
  • Sex fulltrúar Landspítala (einn frá hverju klínísku sviði)
  • Einn frá Sjúkrahúsinu á Akureyri
  • Einn af hverri heilbrigðisstofnun:
    • Heilbrigðisstofnun Norðurlands
    • Heilbrigðisstofnun Suðurlands
    • Heilbrigðisstofnun Vestfjarða
    • Heilbrigðisstofnun Vesturlands
    • Heilbrigðisstofnun Suðurnesja
    • Heilbrigðisstofnun Austurlands
    • Heilsugæslu höfuðborgarsvæðisins


Frá öðrum viðsemjendum, þ.e. Reykjavíkurborg, Sambandi íslenskra sveitarfélaga, Samtökum fyrirtækja í velferðarþjónustu (SFV) og Reykjalundi situr einn fulltrúi frá hverjum viðsemjanda.

Kosið er í ráðið á tveggja ára fresti fyrir 1. mars hvers árs sem stendur á oddatölu.

Tilnefningar frá stofnun eða deild skulu berast til kjararáðgjafa Fíh á netfangið eva@hjukrun.is fyrir 25. febrúar 2019.

Athugið að fyrir setu á fundum trúnaðarmannaráðs er greitt tímakaup skv. verklagsreglum Fíh og jafnframt er ferðakostnaður vegna fundarsóknar greiddur samkvæmt þeim reglum.

Nánari upplýsingar um endurskoðun trúnaðarmannakerfis

Til baka

Þetta vefsvæði notar vafrakökur.

Lesa skilmála