Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

24. fundur stjórnar starfstímabilið 2007 -2009

RSSfréttir
25. ágúst 2008
 

25. ágúst 2008 kl 13:30

Fundinn sátu:

Elsa B. Friðfinnsdóttir, formaður, Halla Grétarsdóttir 1. varaformaður, Stefanía B. Arnardóttir, varamaður, Elín Ýrr Halldórsdóttir 2. varaformaður, Hólmfríður Kristjánsdóttir, meðstjórnandi og Gyða Ölvisdóttir, varamaður.

Til afgreiðslu:

  1. Fundargerðir 21. og 22. fundar samþykktar.
  2. Fundaplan haustmisseris 2008 samþykkt, en Elsa ætlar þó að athuga dagsetningu vegna félagsráðsfundar.
  3. Rædd var greinargerð um markvissa nýtingu á þekkingu og starfskröftum sjúkraliða. Ákveðið var að Aðalbjörgu Finnbogadóttur verði falið að afla upplýsinga um mönnun á hjúkrunarheimilum og stjórn sendi inn greinargerð eftir að frekari upplýsingar liggja fyrir.

Til umræðu:

  1. Kjarasamningar Fíh eru í þessum áfanga að komast í höfn. Fyrirhugað er að skrifa undir í dag samning við samtök fyrirtækja í heilbrigðisþjónustu en þau hafa samþykkt að gildistími verði frá 1. júlí. Það sama á við um Krabbameinsfélagið og Eir og Skjól.  Einnig er unnið að rammasamningi við TR. Vinna við endurskoðun stofnanasamnings á LSH er í burðarliðnum.
  2. Kjaradeila ljósmæðra rædd og samþykkt var ályktun frá stjórn varðandi undirtektir við kröfur LMFÍ  um aukið verðmat á háskólanámi og einnig minnt á fyrirheit í stefnuyfirlýsingu ríkisstjórnar um jafnrétti til launa.

Til kynningar:

  1. Önnur mál
    1. Elín Ýrr sagði frá söfnun Mænuskaðastofnunar Íslands sem halda á 19. september á stöð 2. Fyrirhugað er að vinna að gagnagrunni þar sem upplýsingar eru aðgengilegar á einum stað. Tekið var vel í málið af stjórn og ákveðið að vísa því til verkefnastjóra Ímyndunarverkefnis um hvernig hægt er að styðja við málið.

    1. Stefanía gerði fyrirspurn um hvernig uppbyggingu, fræðslu og eflingu verði háttað varðandi fagdeildir við fyrirhugaða  breytingu á lögum félagsins. Rætt var um að þörf væri á áframhaldandi umræðu um málið og koma upplýsingum til félagsmanna.

    1. Samþykkt var að næst þegar boðað væri til stjórnarfundar yrðu gögn send út rafrænt.

Fundi slitið kl. 15:30

Gyða Ölvisdóttir, fundarritari.

Til baka