Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

4. fundur stjórnar Félags íslenskra hjúkrunarfræðinga starfstímabilið 2009 – 2010

20. október 2009
4. fundur stjórnar Félags íslenskra hjúkrunarfræðinga
starfstímabilið 2009 – 2010

Þriðjudaginn 20. október 2009 kl. 12:30


Mættir:

Elsa B. Friðfinnsdóttir, Aðalheiður D. Matthíasdóttir, Ragnheiður Gunnarsdóttir, Ragnheiður Ósk Erlendsdóttir, Dóróthea Bergs, Fjóla Ingimundardóttir, Hildur Einarsdóttir, Íris Dröfn Björnsdóttir, Jónbjörg Sigurjónsdóttir, Kristín Thorberg, Stella S. Hrafnkelsdóttir, Svanhildur Jónsdóttir, Þórdís Borgþórsdóttir, Gunnar Helgason, Jóhanna Oddsdóttir.

Boðuð forföll:
Guðbjörg Pálsdóttir, Sigurveig Gísladóttir, Helga Atladóttir.


Til afgreiðslu:

1. Fundargerð síðasta fundar.
a. Samþykkt.
2. Starfsreglur stjórnar Fíh til undirritunar.
a. Starfsreglur stjórnar undirritaðar.
3. Erindi vinnuhóps um upplýsingatækni í hjúkrun.
a. Ásta Thoroddsen kom á fundinn og kynnti í stuttu máli ICNP (International Classification for Nursing Practice). Meiri þróun virðist vera í ICNP heldur en í öðrum flokkunarkerfum og því eru framtíðarmöguleikar meiri í ICNP skv. Ástu. Í kjölfar þessara umræðna samþykkti stjórnin að leggja til að ICNP verði tekið upp sem kóðakerfi á Íslandi.
4. Ráðning lögfræðings.
a. Samþykkt að ráða Jón Sigurðsson lögfræðing til starfa til félagsins á grundvelli innsends tilboðs.

Til umræðu:
5. Rekstraryfirlit jan-sept 2009
a. Sólveig Stefánsdóttir, fjármálastjóri kom á fundinn og fór yfir stöðu fjármála hjá félaginu. Staðan er um 11 milljónir í plús miðað við áætlun en nokkrir stórir útgjaldaliðir eru þó eftir síðla árs.
6. Hagræðingaraðgerðir á heilbrigðisstofnunum – áherslur félagsins.
a. Formaður sagði frá fundum sem hann og sviðsstjóri kjara- og réttindasviðs hafa átt með stjórnendur stofnana og hjúkrunarfræðingum um stöðu mála vegna hagræðingaraðgerða. Eftir töluverðar umræður meðal stjórnarmeðlima var stjórnin sammála um að hvika ekki frá þeim tillögum sem stjórnin lagði fram til heilbrigðisráðherra í júní 2009.
7. Úrsögn Fíh úr BHM – undirbúningur.
a. Formaður fór yfir þau verkefni sem sérstaklega þarf að huga að vegna úrsagnar Fíh úr BHM. Stjórnin samþykkti að sérstaklega þurfi að huga að réttindum hjúkrunarfræðinga í styrktar- og sjúkrasjóðum og tryggja verði órofin kjarasamningsbundin réttindi félagsmanna.
8. Staða kjarasamninga.
a. Staða kjarasamninga rædd.
9. Þátttaka formanns Fíh í „Policy Dialogue: The changing roles and skills of nurses and social care workers for a better coordination of care in Europe“ 22.-23. október.
a. Þróun hjúkrunarstarfsins rædd og áherslur formanns í framsögu á fundinum.

Til kynningar:
10. Samningar um útgáfu sögu hjúkrunar.
a. Formaður sagði frá stöðu mála, ólíklegt að útgáfan náist fyrir jól.
11. Önnur mál.
a. Hildur kom með þá ábendingu að mikilvægt væri að virkja trúnaðarmenn betur og ná til félagsmanna.



Fundi slitið kl. 15:55
Ragnheiður Ósk Erlendsdóttir
fundarritari

Fundargerðir

Til bakagreinasafn

Þetta vefsvæði notar vafrakökur.

Lesa skilmála