Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

5. fundur stjórnar Fíh 2018 – 2019

14. nóvember 2018

Miðvikudaginn 14.nóvember 2018 kl. 09:00-14:30

Mættir: Anna María Þórðardóttir, Arndís Jónsdóttir, Gísli Nils Einarsson, Guðbjörg Pálsdóttir, Halla Eiríksdóttir, Helena Eydal og Hildur Björk Sigurðardóttir.
Gestir: Edda Dröfn Daníelsdóttir, Eva Hjörtína Ólafsdóttir, Gunnar Helgason, Harpa Júlía Sævarsdóttir og Sólveig Stefánsdóttir.

Til afgreiðslu

  1. Fundargerð 4. fundar stjórnar Fíh lögð fram til samþykktar.
    Afgreiðsla: Samþykkt.

  2. Nýjar starfslýsingar á fag- og kjara- og réttindasviði.
    Afgreiðsla: Samþykkt.

  3. Endurbætt gæðaskjal fyrir heiðursfélaga Fíh. Stjórnarmeðlimir leggja fram tillögu að orðalagsbreytingu þannig að upphæð útfararstyrks tengist almennum útfarastyrk félagsins. Afgreiðsla: Samþykkt.

Til kynningar

  1. Umsögn um frumvarp til laga um lyfjalög og landlækni og lýðheilsu.
    Afgreiðsla: Stjórnarmeðlimir fagna frumvarpinu.

Til umræðu

  1. Starfsáætlun stjórnar. Framhald umræðu og vinnu.
    Afgreiðsla: Framhald á næsta fundi stjórnar.

  2. Fréttir frá fagsviði.
    Edda Dröfn Daníelsdóttir sviðsstjóri fagsviðs segir frá helstu verkefnum fagsviðs. Hjúkrunarþing 2018 15. nóvember, ráðstefnan Hjúkrun 2019, vinnustofa í Stokkhólmi um Chief Nursing Officers á Norðurlöndunum 6. mars 2019 og starfsemi fagdeilda.
    Afgreiðsla: Umræður.

  3. Nýtt trúnaðarmannakerfi Fíh
    Trúnaðarmannakerfi hefur ekki verið endurskoðað síðan 1994. Kerfið hefur verið þungt í vöfum, erfitt hefur verið að fá trúnaðarmenn og umsýsla flókin. Nú er endurskoðun á kerfinu lokið og er lögð til talsverð breyting á uppbyggingu trúnaðarmannakerfis á þann hátt að annars vegar verða hefðbundnir trúnaðarmenn eins og hefur verið og verður starfið aðgengilegra fyrir þá með nýtingu samskiptamiðla og skjalakerfa. Hins vegar verður skipað trúnaðarmannaráð aðaltrúnaðarmanna sem verður hópur hjúkrunarfræðinga sem fá sérstaka kennslu og fræðslu. Aðaltrúnaðarmenn verða launaðir og hafa starfsskyldur og ábyrgð.
    Afgreiðsla: Umræður. Samþykkt að kjara- og réttindasvið haldi áfram með uppbyggingu á nýju trúnaðarmannakerfi til samræmis við lög og reglugerðir. Áframhaldandi rýni á verkefnavef.

  4. Fréttir frá kjara- og réttindasviði
    Gunnar Helgason segir frá helsut verkefnum á kjara- og réttindasviði.
    Afgreiðsla: Umræður.

  5. Drög að fjárhagsáætlun 2019 og fjárhagsáætlun 2018 fyrstu níu mánuði ársins
    Sólveig Stefánsdóttir kynnti rekstraryfirlit fyrir fyrstu 9 mánuði ársins 2018 borið saman við fjárhagsáætlun fyrir sama tímabil. Einnig kynnti hún fjárhagsáætlun fyrir árið 2019 og fimm ára áætlun félagsins.
    Afgreiðsla: Umræða stjórnar um heildaráætlun og einstaka liði.

  6. Val á heiðursfélögum Fíh
    Afgreiðsla: Stjórnun ákvað að framkvæma könnun meðal félagsmanna um núverandi fyrirkomulagi heiðrana og mögulegar breytingar á því fyrirkomulagi. Horft verður til annarra félagasamtaka bæði innanlands og utan. Stjórn vinnur frekar að þessu verkefni í byrjun nýs árs.

  7. Styrkumsókn vegna bókarútgáfu um öldrun og öldrunarþjónustu
    Sigrún Huld Þorgrímsdóttir sérfræðingur í öldrunarhjúkrun sækir um styrk til Fíh vegna bókar sem hún hefur skrifað og er að gefa út um öldrun og öldrunarþjónustu.
    Afgreiðsla: Umræður í stjórn. Samþykkt að styrkja bókaútgáfuna sem verður á 100 ára afmælisári Fíh.

Önnur mál

  1. Jólakortastyrkur.
    Stjórn Fíh styrkir árlega einhver félagasamtök í stað þess að senda félagsmönnum jólakort. Umræður um hver hlýtur styrkinn í ár.
    Afgreiðsla: Verður afgreitt á verkefnavef stjórnar.

  2. Innleiðing á skjalakerfi.
    Afgreiðsla: Umræður um skipulag og uppsetningu kerfis auk ávinnings og kostnaðar.

  3. Niðurgreiðslur á þátttökugjaldi á hjúkrunarþingi og ráðstefnu.
    Stjórn Fíh vill greiðar frekar niður þátttökugjald fyrir félagsmenn á hjúkrunarþing og ráðstefnur félagsins.
    Afgreiðsla: Umræður.

  4. Rannsókn með þátttöku hjúkrunarfræðinga. Óskað er eftir aðgangi að skrá Fíh um hjúkrunarfræðinga vegna rannsóknar
    Afgreiðsla: Umræður. Samþykkt að aðstoða rannsakanda með rýnihópa fyrir rannsókn.


Fundi slitið kl. 14:50.
Næsti fundur stjórnar er áætlaður þriðjudag 11. desember 2018 kl. 08:15.

Anna María Þórðardóttir ritari Fíh

 

Fundargerðir

Til bakagreinasafn

Þetta vefsvæði notar vafrakökur.

Lesa skilmála