Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

8. fundur stjórnar Fíh 2018 – 2019

12. febrúar 2019

þriðjudaginn 12. febrúar 2019 kl. 10:30-15:30

Mættir: Anna María Þórðardóttir, Arndís Jónsdóttir, Gísli Nils Einarsson, Guðbjörg Pálsdóttir, Halla Eiríksdóttir, Guðrún Yrsa Ómarsdóttir og Hildur Björk Sigurðardóttir.
Gestir: Gunnar Helgason, Harpa Sævarsdóttir og Sólveig Stefánsdóttir.

Til afgreiðslu

  1. Fundargerð síðasta fundar.
    Fundargerð 7. fundar stjórnar Fíh lögð fram til samþykktar.
    Afgreiðsla: Samþykkt.

Til kynningar

  1. Tilnefning heiðursfélaga Fíh.
    Búið er að birta upplýsingar og eyðublað fyrir félagsmenn til að geta tilnefnt heiðursfélaga Fíh á vefsíðu Fíh.
    Afgreiðsla: Umræður.

  2. Verklag við leigu á fasteignum og öðrum lausamunum hjá Fíh.
    Stjórn Fíh hefur ákveðið verklag við leigu á fasteignum og öðrum lausafjármunum hjá Fíh. Viðkomandi verklag, sem þegar hefur verið samþykkt á verkefnavef stjórnar, hefur verið kynnt fyrir starfsfólki félagsins og stjórn orlofssjóðs
    Afgreiðsla: Umræður og samþykkt.

 

Til umræðu

  1. Fjárhagsuppgjör 2018.
    Sólveig Stefánsdóttir fjármálastjóri kynnti fjárhagsuppgjör 2018 ásamt rekstraryfirliti og efnahag sjóða. Rætt var um aukningu á útgjöldum styrktarsjóðs. Heilsustyrkur er meginuppistaða útgjalda, en hins vegar er talsverð aukning á umsóknum um sjúkradagpeninga og tímabil greiðslu hefur lengst.
    Afgreiðsla: umræður og samþykkt.

  2. 100 ára afmæli Fíh - fjárhagsáætlun.
    Sólveig Stefánsdóttir kynnti fjárhagsáætlun fyrir afmælisárið og fór yfir kostnað við fyrsta viðburð afmælisársins.
    Afgreiðsla: Umræður.

  3. Fréttir frá kjara- og réttindasviði.
    Gunnar Helgason sviðsstjóri kjara- og réttindasviðs kynnti kröfugerð í komandi kjarasamningum.
    Afgreiðsla: Umræður. Stjórnarmenn senda inn athugasemdir og viðbætur við kröfugerð.

  4. Hjúkrun 2019.
    Edda Dröfn Daníelsdóttir sviðsstjóri fagsviðs sagði frá undirbúningi ráðstefnunnar Hjúkrun 2019 sem gengur vel. Verið er að undirbúa smáforrit fyrir ráðstefuna. Heiti ráðstefnunnar er Framtíð og frumkvæði: Getur hjúkrun bjargað heilbrigðiskerfinu? Stefnt er að því að hafa kostnað ráðstefnugesta í lágmarki. Fyrirlesarar liggja að mestu fyrir. Einnig kynnti Edda önnur verkefni á fagsviði.
    Afgreiðsla: Umræður. Anna María Þórðardóttir ritari stjórnar Fíh mun aðstoða við að fara yfir verklag við styrki til fag- og landsvæðadeilda og umsýslu félags, með formanni fagsviðs.

  5. Mögulegt rannsóknarverkefni um mannaflaspá.
    Mögulegt samstarfsverkefni með Sjúkraliðafélagi Íslands. Langtímaverkefni, áætlaður kostnaður væri um 4 milljónir auk kostnaðs við 3 kannanir.
    Afgreiðsla: Umræður. Ákveðið að taka ekki þátt í rannsóknarverkefninu.

Önnur mál

  1. Golfmót hjúkrunarfræðinga í tilefni 100 ára afmælis Fíh.
    Fyrirhugað er golfmót sem haldið verður á Akranesi. Óskað er eftir fjárstyrk að upphæð 160.000 kr.
    Afgreiðsla: Samþykkt.

  2. Sjónvarpsþættir um sögu hjúkrunar.
    Gengið hefur verið til samninga við sjónvarpsstöðina Hringbraut um gerð sjónvarpsþátta í tilefni af 100 ára afmæli Fíh. Annar þátturinn verður um sögu hjúkrunar í 100 ár og í hinum verður sögusýningunni á Árbæjarsafni gerð skil. Upphæð er áætluð um 6,3 milljónir og 500 þúsund til viðbótar í ferðakostnað.
    Afgreiðsla: Samþykkt.

  3. Húsnæðisbreytingar.
    Húsnæðisbreytingar á húsnæði félagsins verða kláraðar nú í sumar.
    Afgreiðsla: Samþykkt.

  4. Kosning í nefndir og ráð.
    Á næsta aðalfundi renna eftirfarandi kjörtímabil út: Fjórir aðalmenn í ritnefnd tímarits, þrír aðalmenn og 2 varamenn í siða- og sáttanefnd, fimm aðalmenn í orlofssjóð, þrír aðalmenn í stjórn og einn varamaður, þrír aðalmenn í styrktarsjóð og tveir varamenn, þrír aðalmenn í kjörnefnd og 2 varamenn. Einnig þarf að kjósa nýja skoðunarmenn reikninga.
    Afgreiðsla: Umræður.


Fundi slitið kl. 15:30.
Næsti fundur stjórnar er áætlaður þriðjudaginn 12. mars 2019 kl. 10:30.

Anna María Þórðardóttir ritari Fíh

 

Fundargerðir

Til bakagreinasafn

Þetta vefsvæði notar vafrakökur.

Lesa skilmála