Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

17. fundur stjórnar Starfstímabilið 2007 - 2009

RSSfréttir
14. apríl 2008

 

14. apríl 2008 kl. 13:30

Fundinn sátu:  Elsa B. Friðfinnsdóttir, formaður, Halla Grétarsdóttir, 1. varaformaður, Eygló Ingadóttir, gjaldkeri, Fríða Björg Leifsdóttir, ritari, Gyða Ölvisdóttir, varamaður, Elín Ýrr Halldórsdóttir, 2. varaformaður, Hrund Helgadóttir, meðstjórnandi kom á fund kl. 15.

Til afgreiðslu:

  1. Fundargerð síðasta fundar samþykkt með smávægilegum breytingum.
  2. Dagskrá aðalfundar Fíh 22. maí 2008.  Fundargögn liggi fyrir 14 dögum fyrir settan aðalfund.  Gögn verði gerð aðgengileg á vefnum fyrir fundinn og óski fundarmaður eftir útprentuðu eintaki mun Fíh senda viðkomandi þau gögn.  Gögnin verði einnig aðgengileg útprentuð á þingstað.  Samþykkt að fundurinn hefjist kl. 08:30 að morgni 22. maí 2008 á Grand Hótel og standi til klukkan 18.
  3. Umsókn fagdeildar taugahjúkrunarfræðinga um styrk vegna samstarfs við norrænar fagdeildir á sama sviði.  Samþykkt að beina beiðninni í farveg styrkja fagdeildar vegna erlends samstarfs og hafna því formlegum styrk frá Fíh að öðru leyti.
  4. a.  Ritstjórn Tímarits hjúkrunarfræðinga.  Rætt um tillögur ritnefndar um skipulag Tímarits hjúkrunarfræðinga.  Samþykkt að Elsa fari með tillögur þeirra til lögfræðinga til umsagnar.

Ritstjóri Tímarits hjúkrunarfræðinga hefur sagt starfi sínu lausu og formaður ritnefndar Sigríður Halldórsdóttir hefur sagt sig úr ritnefndinni.  Christer Magnússon er nýr formaður ritnefndar.

b.  Ritstjóri lætur af störfum 16. maí n.k. og rætt var um hvernig málum yrði háttað varðandi útgáfu blaðsins sem ætlað er að komi út í júní.

Til umræðu:

  1. Endurskoðun á reglum vinnudeilusjóðs Fíh – skipun stjórnar sjóðsins.  Gerðar athugasemdir við drög að nýjum starfsreglum vinnudeilusjóðs.  Drögin verði send til yfirlesturs hjá lögfræðingum.
  2. Kjarasamningar – staða mála.  4 fundir hafa verið haldnir með samninganefnd ríkisins (SNR).  Lögð var áhersla á síðasta fundi að SNR hefði eitthvað að leggja fram á næsta fundi sem haldinn verður þriðjudaginn 15. apríl kl. 15:00. 
  3. Aðalfundur BHM – staða mála.  Staðfest hefur verið að Halldóra Friðjónsdóttir sækist ekki eftir því að sitja áfram sem formaður BHM á framhalds aðalfundi BHM 16. maí n.k.  Umræður um hvaða leið verður farið á framhalds aðalfundinum 16. maí.

Til kynningar:

  1. Erindi fulltrúa Fíh á aðalfundi BHM.
  2. Önnur mál
    1. Starfsmannamál
    2. Staða sérgreina hjúkrunar – Gyða Ölvisdóttir leggur fyrir fyrirspurn um stöðu mála hjá sérgreinum hjúkrunar.

Fundi slitið kl. 16:00

Til baka