Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

18. fundur stjórnar starfstímabilið 2007 -2009

RSSfréttir
28. apríl 2008

28. apríl 2008 kl. 12:30

Fundinn sátu:  Elsa B. Friðfinnsdóttir, formaður, Halla Grétarsdóttir, 1. varaformaður, Fríða Björg Leifsdóttir, ritari, Eygló Ingadóttir, gjaldkeri, Gyða Ölvisdóttir, varamaður, Hrund Helgadóttir, meðstjórnandi

Til afgreiðslu:

  1. Fundargerð síðasta fundar samþykkt með orðalagsbreytingum á 4. lið.
  2. Dagskrá aðalfundar Fíh 22. maí 2008 hefur verið send út til þingfulltrúa ásamt boðsbréfi vegna fundarins.  Dagskráin samþykkt af stjórn.
  3. Starfsáætlun 2008 – 2009 rædd.  Tillaga lögð fram um að bæta við kaflann um Menntun og fagmennsku að hafin verði samvinna félagsins við hjúkrunarfræðideildir háskólanna og LSH um skilgreiningar á sérgreinum hjúkrunar.  Áætlunin verður áfram í vinnslu og verður lögð fram til endanlegrar afgreiðslu fyrir 8. maí n.k.
  4. Endurskoðuð fjárhagsáætlun 2008 og 2009.  Rætt um aukinn kostnað vegna lífeyrisskuldbindinga félagsins sem erfitt er að áætla.  Fjárhagsáætlunin liggi frammi 8. maí ásamt skýringablaði fyrir 2007 vegna aðalfundar.
  5. Ráðning ritstjóra Tímarits hjúkrunarfræðinga.  Christer Magnusson  hefur samþykkt að taka starfið að sér tímabundið til eins árs.  Stjórn samþykkir ráðningu hans
  6. Ráðning alþjóðafulltrúa Fíh.  Samþykkt að framlengja ráðningasamning við Jón Aðalbjörn Jónsson framyfir aðalfund 2009 í framhaldi þess að Vigdís Hallgrímsdóttir, sem verið hefur í ársleyfi, hefur sagt starfinu lausu. 

Til umræðu:

  1. Drög að ársreikningi félagssjóðs Fíh 2007 lögð fram.  Stjórnarmenn taki gögn með sér heim og fari yfir drögin.  Athugasemdir berist til fjármálastjóra og gjaldkera.
  2. Endurskoðun á reglum vinnudeilusjóðs Fíh – skipun stjórnar.  Svar hefur borist frá lögfræðingum sem fengu reglurnar til yfirlestrar.  Samþykkt að Elsa og Eygló fari yfir tillögurnar og vinni niðurstöður sem kynntar verða fyrir stjórn til samþykktar.
  3. Hugsanlegar breytingar á rekstrarformi og yfirstjórn LSH.  Lögð fram drög að minnisblaði til nefndar um málefni Landspítala. 
    1. Rætt um stöðu mála hjá skurð – og svæfingahjúkrunarfræðingum.  Formaður hefur óskað þess að fá að sitja fund með þeim á morgun.  Stjórn lýsir yfir áhyggjum sínum af þróun mála á LSH.
  4. Kjarasamningar – staða mála.  Fundur með SNR í fyrramálið kl. 09, samninganefd hittist kl. 08:30 til undirbúnings.
  5. Aðalfundur BHM – staða mála.  Framhaldsaðalfundur 16. maí n.k. Boðað verður til fundar með þingfulltrúum Fíh eftir að þinggögn hafa borist fulltrúum.
  6. Samningafundur Fíh og SHTR vegna sjálfstætt starfandi hjúkrunarfræðinga.  Beðið er eftir tilboði um starfssamning frá SHTR vegna verkefnis í sumar.  Næsti fundur með SHTR er á morgun.
  7. EFN fundur í Kaupmannahöfn 10. – 11. apríl 2008; frestað vegna fjarveru Elínar Ýrrar.

Til kynningar:

  1. Erindi frá Landlæknisembættinu um skráningu hjúkrunar.  Verður sett til afgreiðslu á næsta stjórnarfundi.
  2. Tillaga til aðalfundar um leiðréttingu á aldri félagsins.
  3. Önnur mál

Fundi slitið kl. 15:30

Til baka