Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

8. fundur stjórnar Félags íslenskra hjúkrunarfræðinga starfstímabilið 2012 – 2013

RSSgreinasafn
2. apríl 2013

auka fundur þriðjudaginn 2.apríl 2013 kl. 11:00

Mættir:

Aðalheiður D Matthíasdóttir, Fjóla Ingimundardóttir, Hrönn Håkansson, Guðbjörg Pálsdóttir, Margrét Blöndal, Jóhanna Kristófersdóttir, Björk Elva Jónasdóttir, Herdís Gunnarsdóttir,  Elsa B Friðfinnsdóttir, Gunnar Helgason, Eva Hjörtína Ólafsdóttir, Jónína Sigurgeirsdóttir, Hlíf Guðmundsdóttir, Arndís Jónsdóttir, Kristín Thorberg í síma og fundarritari Sigríður Kristinsdóttir

Boðuð forföll:

Jóhanna Oddsdóttir, Ragnheiður Gunnarsdóttir

Til afgreiðslu:

1.   Fundargerð síðasta fundar.

samþykkt

2.   Formannskjör – aðalfundur.

Herdís Gunnarsdóttir víkur af fundi

Fyrir liggur kæra vegna formannskjörs Fíh frá einum frambjóðenda til formanns Fíh frá 21. mars sl. og  fer hann fram á að kosningin verði ógilt m.a. vegna galla við framkvæmd kosningarinnar. Kjörnefnd Fíh hefur ekki enn úrskurðað í málinu og að ósk stjórnar kom kjörnefndin á fundinn kl. 12:00. Þrír kjörnefndarmenn mættu á fundinn,  Ragna Dóra Rúnarsdóttir Sigríður Lóa Rúnarsdóttir, formaður nefndarinnar og Sólveig Jóna Haraldsdóttir (varamaður). Þær svöruðu fyrirspurnum stjórnarmanna en nefndin telur sig ekki geta birt sinn úrskurð fyrr en miðvikudaginn 3. apríl. Auk þess komu á fund stjórnar þau Aðalbjörg J. Finnbogadóttir og Jón Aðalbjörn Jónsson, sem bæði störfuðu fyrir kjörnefnd við kosninguna.

Í ljósi þeirra upplýsinga sem fram höfðu komið á fundinum var Ástráður Haraldsson, hæstaréttarlögmaður kallaður á fundinn, til að ráðleggja stjórn um hvernig halda skyldi á málinu.

3.   Tillögur stýrihóps um breytingar á störfum og skipulagi Fíh eftir vinnu starfsmanna félagsins – önnur umræða.

Frestað til næsta stjórnarfundar.

4.   Fjárhagsáætlun fyrir 2013, drög 2.

Umræður -  leitast er við að áætla rekstrargjöldin ríflega en tekjurnar varlega við gerð fjárhagsáætlana hjá sjóðum félagsins.

  1. Alþjóðamálin .

Þessi liður hefur lækkað um 3 milljónir frá fyrstu drögum þar sem ákveðið hefur verið að draga úr ferðum á fundi erlendis.

  1. Laun starfsmanna á skrifstofu Fíh .

Stjórn félagsins kynnt launaröðun starfsmanna skrifstofu félagsins  en að öðru leiti eru þau trúnaðarmál.

  1. Starfslok formanns.

 Elsa B. Friðfinnsdóttir formaður vék af fundi þegar þessi liður var til umræðu.

Til umræðu:

5.   Starfsreglur stjórnar - endurskoðun.

Frestað til næsta fundar.

6.   Tillaga til aðalfundar um stofnun Styrktar- og sjúkrasjóðs – starfsreglur.

Guðbjörg Pálsdóttir  kynnti drög að starfsreglum og úthlutunarreglum styrktarsjóðs Fíh, sem stofna þarf formlega á aðalfundi félagsins 2013.  Afgreiðslu frestað til næsta fundar.

7.   Lagabreytingar- fyrir aðalfund

Nýr liður sem var ekki í útgefinni dagskrá. Frestað til næsta fundar.

8.   Starfsemisskýrsla 2012-2013 – drög.

Í vinnslu og verður tekið fyrir á næsta stjórnarfundi

9.   Starfssemisáætlun 2013-2014 – drög.

Í vinnslu og verður tekið fyrir á næsta stjórnarfundi

Til kynningar:

10.       Önnur mál.

 

 

 

Fundi slitið kl. 16:00

Til baka