Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

5. fundur stjórnar Fíh 2013 – 2014

RSSgreinasafn
21. janúar 2014

þriðjudagur 21. janúar 2014 kl. 11:00-15:00

Mættir:
Arndís Jónsdóttir, Brynja Dögg Jónsdóttir, Fjóla Ingimundardóttir, Guðbjörg Pálsdóttir, Gunnar Helgason, Herdís Gunnarsdóttir, Hlíf Guðmundsdóttir, Hrönn Håkansson, Jónína Sigurgeirsdóttir, Ólafur G. Skúlason, Ragnheiður Gunnarsdóttir, Ragnhildur Rós Indriðadóttir, Sigrún Jóhannesdóttir, Svanlaug Guðnadóttir.

Boðuð forföll:
Jóhanna Kristófersdóttir, Sigríður S. Kjartansdóttir.

Gestir:
Cecilie B.H. Björgvinsdóttir, sviðsstjóri kjara- og réttindasviðs.

Til afgreiðslu:
1. Fundargerð síðasta fundar
• Samþykkt.

2. Starfslýsing kjarafulltrúa/fulltrúa hjúkrunarfræðinema og nýbrautskráðra hjúkunarfræðinga
• Samþykkt.

Til umræðu:
3. Umfjöllun um réttindastöðu hjúkrunarfræðinga
• Cecilie B.H. Björgvinsdóttir, sviðsstjóri kjara- og réttindasviðs kom á fundinn og ræddi um réttindastöðu hjúkrunarfræðinga varðandi mistök í starfi. Umræður.
• Formaður mun setja fram tillögu frá Fíh um að skipuð verði rannsóknarnefnd atvika í heilbrigðisþjónustu sem hann leggur fyrir Landlækni í næstu viku. Afgreiðsla stjórnar fer fram á verkefnavef stjórnarí komandi viku.

4. Tillögur að úthlutunum úr styrktarsjóði Fíh
• Gunnar Helgason gjaldkeri gerði grein fyrir tillögum stjórnar styrktarsjóðs um nýjar úthlutunarreglur.
• Umræður meðal stjórnar og ákveðið að stjórn styrktarsjóðs haldi áfram að vinna að nýjum úthlutunarreglum.

5. Hundrað ára afmæli Fíh
• Áframhaldandi umræða frá síðasta stjórnarfundi og ákveðið að fresta málinu til haustsins 2014.

6. Fjárhagsáætlanir sjóða
• Sólveig Stefánsdóttir fjármálastjóri boðaði forföll og gerði formaður því grein fyrir fjárhagáætlunum sjóða fyrir 2014.

7. Kynning á tillögum laganefndar
• Herdís Gunnarsdóttir kynnti tillögur laganefndar um breytingar sem nefndin er að undirbúa fyrir aðalfund 12. maí næstkomandi.
• Umræður í stjórn og samþykkt að laganefndin haldi áfram á sömu braut og skili tillögum til stjórnar á næsta fundi.

8. Kynning á tillögum vefnefndar
• Sigrún Jóhannesdóttir og Svanlaug Guðnadóttir kynntu tillögur vefnefndar. Breytingar eru fyrirhugaðar m.a. á vefsvæði Fíh og þarf að áætla vinnuframlagið. Settar verða á stofn facebook síða Fíh og „mínar síður“ á heimasíðu félagsins. Einnig þarf að áætla vinnuframlag í lagfæringum á heimasíðu Fíh og almenn umsjón með henni. Lögð fram áætlun um vinnuframlag.
• Umræður í stjórn. Framkvæmdaráð mun útfæra hugmyndir og bera undir stjórn.


Til kynningar:
9. Fundur með félagsmálaráðherra vegna jafnréttis
• Formaður og Aðalbjörg J. Finnbogadóttir sviðsstjóri fagsviðs fara á fund félagsmálaráðherra 22. janúar vegna átaks um að fá fleiri karlmenn í hjúkrun með von um að fá Velferðarráðuneytið í slíkt samstarfsverkefni.

10. Tímarit hjúkrunarfræðinga
• Formaður sagði frá vinnu samstarfshóps stjórnar og ritnefndar Tímarits hjúkrunarfræðinga.


Önnur mál:
11. Peningaþvættisathugun
• Formaður bar upp erindi frá fjármálastjóra. Allir stjórnarmeðlimir verða að fara í peningaþvættisathugun hjá Arion banka sem er viðskiptabanki félagsins. Þetta er gert samkvæmt lögum um aðgerðir gegn peningaþvætti og fjármögnun hryðjuverka. Þau gera kröfu um að allir stjórnarmeðlimir, framkvæmdastjórar og prókúruhafar reikninga fari í slíka athugun til að draga úr líkum á peningaþvætti. Fíh getur ekki stofnað bankareikninga né átt í bankaviðskiptum fyrr en stjórnarmeðlimir hafa lokið þessari athugun.
• Formaður fór yfir ferlið sem felst í að sýna persónuskilríki útgefið af ríkisvaldinu s.s. ökuskírteini eða vegabréf og svara nokkrum spurningum. Tekur um 5 mínútur að fara í gegnum ferlið.

12. Stjórnarforföll
• Sigríður S. Kjartansdóttir, fulltrúi Norðurlands verður tímabundið fjarverandi.

13. Þjónustukönnun
• Gerð verður þjónustukönnun á vegum Fíh. Drög að spurningalista verða sett inn á verkefnavef stjórnar og stjórnarmeðlimir beðnir að skila inn athugasemdum til Ólafs hið fyrsta.



Fleira ekki gert og fundi slitið kl. 14:25
Guðbjörg Pálsdóttir, ritari stjórnar Fíh.
Til baka