Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

1. fundur stjórnar Fíh 2014 – 2015

RSSgreinasafn
20. maí 2014

Þriðjudagur 20. maí 2014 kl. 10:00-16:00


Mættir:
Birgir Örn Ólafsson, Brynja Dögg Jónsdóttir, Bylgja Kristófersdóttir, Díana Dröfn Heiðarsdóttir, Guðbjörg Pálsdóttir, Gunnar Helgason, Herdís Gunnarsdóttir, Hrönn Håkansson, Jóhanna Kristófersdóttir, Ólafur G. Skúlason, Sigríður S. Kjartansdóttir, Svanlaug Guðnadóttir.

Boðuð forföll:
Arndís Jónsdóttir, Fjóla Ingimundardóttir, Gyða Ölvisdóttir, Ragnheiður Gunnarsdóttir, Ragnhildur Rós Indriðadóttir,


Til afgreiðslu:



1. Starfsemi Fíh – kynning ætluð nýjum stjórnarmeðlimum
Ólafur G. Skúlason og annað starfsfólk skrifstofu Fíh kynnti starfsemi félagsins.

2. Fundargerð síðasta fundar
Samþykkt.

3. Kosning varaformanns, ritara og gjaldkera stjórnar
Formaður stýrði kosningu. Tveir voru í framboði, Guðbjörg Pálsdóttir og Ragnheiður Gunnarsdóttir. Var Guðbjörg Pálsdóttir réttkjörinn varaformaður. Gjaldkeri stjórnar var kosinn Gunnar Helgason, engin mótframboð bárust. Ritari stjórnar var kosin Jóhanna Kristófersdóttir, engin mótframboð bárust.

4. Kosning meðstjórnanda í framkvæmdaráð Fíh
Formaður, varaformaður, gjaldkeri og ritari sitja í framkvæmdaráði. Herdís Gunnarsdóttir bauð sig ein fram og er því sjálfkjörin í framkvæmdaráð sem meðstjórnandi.

5. Fundarplan stjórnar og ákvörðun um aðalfund 2015
Lagt fram fundarplan stjórnar fyrir næsta starfsár. Breyting á fundatímum, sem verða nú frá klukkan 10-14 í stað 11 -15. Fundarplan samþykkt. Aðalfundur næsta árs verður mánudaginn 18 maí.

6. Framboð til stjórnar EFN 2014-2016
  • Fyrirhugaðar eru kostningar til stjórnar EFN í haust. Herdís Gunnarsdóttir hefur setið í stjórn EFN síðustu 2 ár og hefur áhuga á að sitja áfram. Herdís hefur skilað góðu starfi í stjórn EFN. 
  • Einróma samþykkt að styðja framboð Herdísar til áframhaldandi setu í stjórn EFN. 

7. Val á starfshóp fyrir endurskoðun á Tímariti hjúkrunarfræðinga
  • Starfandi hefur verið samstarfshópur stjórnar og ritnefndar Tímarits hjúkrunarfræðinga um endurskoðun á tímaritinu. Lítið hefur þokast í þeirri vinnu en það er skoðun stjórnar að mikilvægt sé að breyta tímaritinu til nútímahorfs og stefna að því að gefa það út rafrænt. 
  • Formaður leggur til að hann ásamt gjaldkera haldi áfram í starfshópnum. Díana býður sig fram og er sjálfkjörin. Í hópnum eru því Ólafur, Gunnar og Díana fyrir hönd stjórnar. 

8. Kaup á sumarhúsi við Úlfljótssvatn
  • Orlofsnefnd vill kaupa sumarbústað við Úlfljótsvatn af Orkuveitu Reykjavíkur. 
  • Samþykkt tillaga um kaup á sumarhúsinu og því beint til stjórnar Orlofssjóðs að reyna jafnvel að kaupa bæði húsin sem eru til sölu á svæðinu. Ef verður af kaupunum er markmið að gera umhverfið meira aðlaðandi.


Til umræðu:



9. Starfshópur fyrir endurskoðun laga

  • Farið yfir vinnu sem fram hefur farið um enduskoðun laga og þá ákvörðun að fara í stefnumótun samfara áframhaldandi endurkðun. 
  • Mikilvægt að báðir sviðstjórar félagsins séu í hópnum auk þeirra sem hafa komið að þessari vinnu áður. 
  • Þarf að vera einhver sem stýrir hópnum og heldur utan um hann. Leitað eftir framboðum úr stjórn í starfshópinn. Ákveðið af stjórn að Herdís og Sigríður sitji í hópnum og að Herdís leiði hópinn.


Önnur mál:


10. Umboð vegna afleysinga fjármálastjóra
Meirihluti stjórnarmanna skrifuðu undir umboð vegna afleysinga fjármálastjóra.

11. Spjaldtölvur
  • Formaður hefur leitað eftir tilboðum fyrir 16 spjaldtölvur fyrir stjórn. Markmið með kaupum á spjaldtölvum er að minnka prentkostnað, auka notkun á fjarfundarbúnaði og minnka ferðakostnað. 
  • Formaður mun upplýsa um niðurstöðu málsins þegar hún liggur fyrir.


Fleira ekki gert og fundi slitið kl. 14:05
Guðbjörg Pálsdóttir, fráfarandi ritari stjórnar Fíh.
Jóhanna Kristófersdóttir, ritari stjórnar Fíh.
Til baka