Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Læknafélag Íslands lýsir stuðningi við baráttu Fíh

RSSfréttir
28. maí 2015

 

Eftirfarandi yfirlýsing barst Félagi íslenskra hjúkrunarfræðinga:

Verkfall hjúkrunarfræðinga – yfirlýsing frá stjórn Læknafélags Íslands

Kjör háskólamenntaðs fólks hafa löngum verið lakari á Íslandi en í nágrannalöndum okkar. Stjórn Læknafélags Íslands áréttar nauðsyn þess að háskólamenntun sé metin að verðleikum hér á landi. Léleg laun og starfskjör háskólamenntaðs fólks leiða til atgervisflótta og skertrar nýliðunar sem eru sérhverju samfélagi dýrkeypt í formi brothættari innviða og fábreyttara atvinnulífs.

Stjórn Læknafélags Íslands lýsir yfir fullum stuðningi við baráttu Félags íslenskra hjúkrunarfræðinga fyrir bættum kjörum. Stjórnin skorar jafnframt á stjórnvöld að ganga án tafar til samninga við þær heilbrigðisstéttir sem nú eru í verkfalli, enda hefur verkfallið haft slæm áhrif á heilbrigðiskerfið, á sjúklinga og aðstandendur þeirra.

Til baka