Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Sáttanefnd

RSSfréttir
9. júní 2015

Ríkisstjórn Íslands samþykkti á fundi sínum s.l. föstudag að skipa s.k. sáttanefnd. Slíka nefnd má einungis skipa séu aðilar því sammála og því þurfti að leita til Fíh til að fá samþykki fyrir þeirri framkvæmd.

 Eftir fundi með fulltrúum ríkisstjórnarinnar kom hins vegar í ljós að slík nefnd hefur sömu heimildir, úrræði og skyldur og ríkissáttasemjari. Í raun væri bara verið að skipta út ríkissáttasemjara í stað nýrra aðila sem kæmu að málinu með sama hætti og hann. Ekki hefur verið hluti vandans að ríkissáttasemjari sé ekki að beita sér enda höfum við haft aðkomu þriggja ríkissáttasemjara í okkar viðræðum.

 Það varð því niðurstaða allra aðila að sáttanefnd væri einungis til þess fallin að draga deiluna á langinn og bætti í raun engu við í þá átt að leysa deiluna. Ríkissáttasemjari mun því halda áfram að miðla málum í viðræðunum.

Til baka