Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Hlaut virt nýliðaverðlaun í Bandaríkjunum

1. nóvember 2017

Áhugi Ragnhildar I. Bjarnadóttur hjúkrunarfræðings á heilsuvernd og forvörnum varð til þess að hún ákvað að fara til Bandaríkjanna í framhaldsnám í lýðheilsufræði. Að loknu doktorsnámi stundar hún nú rannsóknir á upplýsingatækni í hjúkrun við Háskólann í Flórída og hlaut nýlega nýliðaverðlaun (New Investigator Award) frá rannsóknastofnuninni Academy Health Interprofessional Research Group on Nursing Issues og var ein af sex fræðimönnum sem valin var úr 90 manna hópi umsækjenda í verkefni á vegum Bandarísku hjúkrunarakademíunnar (American Academy of Nursing), sem er meðal þeirra virtustu á sviði hjúkrunarfræði í heiminum, í samstarfi við þekkta miðstöð hjúkrunar (Jonas Center for Nursing and Veteran Affairs). Valinu fylgir titillinn American Academy of Nursing Jonas Policy Scholar. Með þessu verkefni er leitast við að veita efnilegum og upprennandi fræðimönnum viðurkenningu og tækifæri til að vinna með virtum sérfræðingum að stefnumótun í heilbrigðis-, mennta- og vísindamálum.

Kynheilbrigðisfræðsla og forvarnir fyrir unglinga réð úrslitum

Ragnhildur og eiginmaður hennar fluttu til New York eftir að hún fékk inngöngu í meistaranám í lýðheilsu við Columbia Mailman-lýðheilsuskólann í New York-borg en það sem réð úrslitum var að þeir buðu upp á sérsvið um kynheilbrigðisfræðslu og forvarnir fyrir unglinga. Að því loknu hóf hún doktorsnám við Columbia-háskóla í New York-borg í upplýsingatækni í hjúkrun með sérstakri áherslu á gagnasöfnun í hjúkrun og hvernig gögnin geta nýst til að bæta öryggi sjúklinga og gæði hjúkrunar. Doktorsritgerðin fjallaði um hvernig hjúkrunarfræðingar í heimahjúkrun ræða við sjúklinga sína um og safna gögnum um kynhneigð og kynverund. Hún segir það mikilvægt til að geta veitt sjúklingamiðaða þjónustu og fylgst með gæðum og jafnræði í þjónustunni. Þá rannsakaði hún einnig notkun rafrænna sjúkraskráa á hjúkrunarheimilum og áhrifum á gæðaniðurstöður.

Leiðin lá svo til Flórída þar sem Ragnhildur vinnur nú að áframhaldandi rannsóknum við að nota textanám og aðrar gagnaskoðunaraðferðir til að finna mikilvægar upplýsingar í stórum gagnasöfnum af hjúkrunarnótum. Þær upplýsingar nýtast við að bæta gæði hjúkrunar í gegnum stuðningskerfi við klínískar ákvarðanir. Ragnhildi var nýlega boðið að sækja um fasta stöðu sem prófessor við Háskólann í Flórída. Það mun fela í sér áframhaldandi kennslu og rannsóknir og er gríðarspennandi að sögn hennar.

Nánar er rætt við Ragnhildi í næsta tölublaði Tímarits hjúkrunarfræðinga sem kemur út síðar í nóvember.

Fagleg málefni

Forvarnir og fræðsla

Heilbrigðiskerfi

Stjórnvöld

Viðtöl

Til bakagreinasafn

Pistlar og viðtöl

Þegar er hafin vinna fyrir komandi kjarasamninga hjá Fíh og er nauðsynlegt að vanda undirbúning þeirrar vinnu vel. Rafræn könnun verður send út núna í nóvember til starfandi hjúkrunarfræðinga og óskað eftir þeirra viðhorfum og væntingum.

Nánar

Fagið

Pistlar

Í mars síðastliðnum fór fram námskeið í öruggri lyfjaumsýslu. Námskeiðið var haldið á Laugarvatni á vegum MEDICO-hópsins (nordic Medication Educators’ Collaboration) sem er hópur kennara í hjúkrunarfæði á norðurlöndunum og Eistlandi.

Nánar

Pistill formanns

Félagið

Starfsumhverfi hjúkrunarfræðinga einkennist mjög af því að hjúkrunarfræðinga vantar til starfa á nánast öllum sjúkrahúsum, heilbrigðisstofnunum, hjúkrunarheimilum og á heilsugæslustöðvum á landinu

Nánar

Fræðigreinar

  • Notkun interRAI-upphafsmats til að meta þjónustuþörf í heimahjúkrun og félagslegri heimaþjónustu

    Ingibjörg Hjaltadóttir og Hallveig Skúladóttir

    Mikil fjölgun í hópi þeirra sem vilja búa í sjálfstæðri búsetu þrátt fyrir versnandi heilsufar og óska eftir þjónustu heimahjúkrunar gefur tilefni til þess að skoða kosti þess að nota samræmt matstæki, eins og interRAI-matstækið (Resident Assessment Instrument) sem metur heilsufar, færni og þjónustuþörf þjónustuþega.

    Fagið

    Ritrýnd grein

  • Athafnir og þátttaka eldri borgara

    Margrét Brynjólfsdóttir, Guðrún Pálmadóttir og Sólveig Ása Árnadóttir

    Árið 2013 voru 13,6% íbúa á sunnanverðum Vestfjörðum 65 ára eða eldri. Tilgangur verkefnisins var að rannsaka athafnir og þátttöku í daglegu lífi meðal heimabúandi eldri borgara á þessu svæði.

    Fagið

    Ritrýnd grein

  • Endurskilgreining á lífi og sjálfi: Reynsla yngra fólks af því að fá hjartaáfall

    Birna Gestsdóttir, Árún K. Sigurðardóttir og Sigríður Halldórsdóttir, Heilbrigðisvísindasviði Háskólans á Akureyri

    Lítið er vitað um reynslu „yngri“ Íslendinga af því að fá hjartaáfall. Tilgangur rannsóknarinnar var að auka þekkingu hjúkrunarfræðinga og annarra heilbrigðisstétta á þeirri lífsreynslu að fá hjartaáfall „ungur“ svo að hægt sé að veita þessum sjúklingahóp viðeigandi hjúkrun og þjónustu.

    Fagið

    Ritrýnd grein

  • Mat hjúkrunarfræðinga sem sjá um bráðatilvik á landsbyggðinni á eigin hæfni

    Íris Kristjánsdóttir og Herdís Sveinsdóttir

    Bráðamóttökum landsbyggðarinnar er ætlað að veita skammtímabráðaþjónustu sjúklingum sem hafa slasast eða veikst alvarlega. Tilgangur rannsóknarinnar var að kanna hvernig hjúkrunarfræðingar landsbyggðarinnar, sem taka á móti og sinna bráðveikum og slösuðum sjúklingum, meta hæfni sína.

    Fagið

    Ritrýnd grein

  • Reynsla fólks af auknum þroska í kjölfar sálrænna áfalla

    Hulda Sædís Bryngeirsdóttir og Sigríður Halldórsdóttir
    Rannsóknir á afleiðingum sálrænna áfalla hafa aðallega beinst að neikvæðum afleiðingum þeirra. Tilgangur þessarar rannsóknar var að auka þekkingu og dýpka skilning á reynslu fólks af sálrænum áföllum og auknum þroska í kjölfar þeirra.

    Fagið

    Ritrýnd grein

Þetta vefsvæði notar vafrakökur.

Lesa skilmála