Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Kvíði og þunglyndi skurðsjúklinga á Landspítala

12. desember2009

Herdís Sveinsdóttir, hjúkrunarfræðideild Háskóla Íslands og skurðlækningasviði Landspítala
Þórdís K. Þorsteinsdóttir, krabbameinsmiðstöð Västra-Götalandsregionen, Gautaborg
Margrét Sigmundsdóttir, hjúkrunarfræðideild Háskóla Íslands og skurðlækningasviði Landspítala
Soffía Eiríksdóttir, skurðlækningasviði Landspítala
Þuríður Geirsdóttir, skurðlækningasviði Landspítala


Iðulega er meiri áhersla lögð á líkamlega umönnun en sálræna þegar hjúkrunarþjónusta er veitt á skurðdeildum. Tilgangur rannsóknarinnar var að lýsa sálrænni líðan skurðsjúklinga með því að meta kvíða- og þunglyndiseinkenni þeirra á spítala og heima fjórum vikum síðar og athuga tengsl við verki, almenn einkenni, þætti tengda heilsu og spítalalegu og bakgrunn. 

Gagna var aflað með spurningalistum og voru einkenni kvíða og þunglyndis metin með HADS-kvarðanum. Fleiri stig á kvarðanum benda til að einstaklingur hafi mörg
einkenni um kvíða eða þunglyndi. Úrtakið var 733 innkallaðir sjúklingar sem fóru í aðgerð 15. janúar til 15. júlí 2007 og var svörun 56,8%.

Niðurstöður sýna sterk tengsl á milli einkenna kvíða og þunglyndis á spítala (r=0,76) og heima (r=0,78). Á spítalanum voru 25 sjúklingar með einkenni hugsanlegs eða líklegs kvíða og þunglyndis, 21 sjúklingur heima og sjö sjúklingar bæði á spítalanum og heima. Almennt voru veik til miðlungssterk tengsl á milli almennra einkenna og kvíða- og þunglyndiseinkenna. Sterkust voru tengslin við minnisskerðingu, erfiðleika með hreyfingu, erfiðleika í kynlífi og mæði. Miðlungssterk tengsl voru á milli þess að vera með mörg almenn einkenni á spítala og einkenni kvíða og þunglyndis á spítala. Sambærileg tengsl komu fram heima. Sjúklingarnir voru ánægðari með umönnunina sem þeir fengu á spítalanum aðspurðir þar heldur en heima. Hærri aldur og meiri ánægja með umönnun hafði veika neikvæða tengingu við kvíða og þunglyndi, bæði á spítala og heima. Konur, sjúklingar með börn á heimilinu, sjúklingar þar sem heimilismeðlimur átti við veikindi að stríða eða þurfti aðstoð við daglegt atferli ásamt þeim sem töldu bata sinn og árangur aðgerðar ekki í samræmi við væntingar fengu að jafnaði fleiri stig á kvíða- og þunglyndiskvörðum HADS.
Lagt er til að á Landspítala verði útbúin aðferð til að greina sálræna vanlíðan skurðsjúklinga og benda á íhlutun. Eftirfylgni í síma, þar sem leitað er eftir ákveðnum einkennum, er einföld leið til að finna sjúklinga sem gætu talist í áhættuhópi.

Lykilorð: Kvíði, þunglyndi, verkir, einkenni, skurðsjúklingar.

 

6. tbl 2009: Kvíði og þunglyndi skurðsjúklinga á Landspítala

Ritrýnd grein

Til bakagreinasafn

Pistlar og viðtöl

„Ég held það hafi alltaf legið fyrir mér að fara í hjúkrunarfræði,“ segir Guðbjörg Pálsdóttir, formaður Félags íslenskra hjúkrunarfræðinga.

Nánar

Hjúkrun fólks með langvinna og alvarlega geðrofssjúkdóma hefur átt hug og hjarta Margrétar Eiríksdóttur undanfarin 40 ár.

Nánar

Árangur hjúkrunarfæðings ræðst ekki af því hversu mikla fræðilega þekkingu hann býr yfir að mati Rhomz Singayan Aquino, heldur hversu góður og sveigjanlegur hann er við að nota allt sem hann hefur lært.

Nánar

Fræðigreinar

  • Þróun skimunartækisins HEILUNG

    Sóley Sesselja Bender, prófessor BS, MS, PhD, sérfræðingur í kynheilbrigði, Hjúkrunarfræðideild Háskóla Íslands

    Tilgangurinn með því að þróa þetta skimunartæki er að meta á heildrænan hátt heilbrigði ungs fólks ásamt undirliggjandi áhættuþáttum, áhættuhegðun og verndandi þáttum. Tækið er ætlað skólahjúkrunarfræðingum í framhaldsskólum.

    Fagið

    Ritrýnd grein

  • Sálfélagsleg líðan fullorðinna einstaklinga eftir innanskúmsblæðingu: kerfisbundið fræðilegt yfirlit

    Sjálfsprottin innanskúmsblæðing (SiB) er kölluð heila- blóðfall yngra fólksins. Sálfélagsleg vanlíðan einstaklinga sem fengið hafa SiB getur valdið þeim erfiðleikum með að ná takti í lífinu, jafnvel mörgum árum eftir áfallið. Þrátt fyrir fjölda rannsókna skortir kerfisbundna samantekt á þeim vanda sem einstaklingar með SiB standa frammi fyrir auk þekkingar á bestu hugsanlegu úrræðum.

    Fagið

    Blóð

    Fagleg málefni

    Forvarnir og fræðsla

    Ritrýnd grein

  • Hið ófyrirséða — fyrirbyggjandi aðgerðir gegn ofbeldi á geðdeildum

    Tilgangur rannsóknarinnar var að kanna hvað kveikti á árásargjarnri hegðun sjúklinga á geðdeildum og hvaða aðferðum starfsfólk beitti til að koma í veg fyrir hana.

    Fagið

    Fagleg málefni

    Geðrækt

    Heilbrigðiskerfi

    Samskipti

    Ritrýnd grein

  • Notkun interRAI-upphafsmats til að meta þjónustuþörf í heimahjúkrun og félagslegri heimaþjónustu

    Ingibjörg Hjaltadóttir og Hallveig Skúladóttir

    Mikil fjölgun í hópi þeirra sem vilja búa í sjálfstæðri búsetu þrátt fyrir versnandi heilsufar og óska eftir þjónustu heimahjúkrunar gefur tilefni til þess að skoða kosti þess að nota samræmt matstæki, eins og interRAI-matstækið (Resident Assessment Instrument) sem metur heilsufar, færni og þjónustuþörf þjónustuþega.

    Fagið

    Ritrýnd grein

  • Athafnir og þátttaka eldri borgara

    Margrét Brynjólfsdóttir, Guðrún Pálmadóttir og Sólveig Ása Árnadóttir

    Árið 2013 voru 13,6% íbúa á sunnanverðum Vestfjörðum 65 ára eða eldri. Tilgangur verkefnisins var að rannsaka athafnir og þátttöku í daglegu lífi meðal heimabúandi eldri borgara á þessu svæði.

    Fagið

    Ritrýnd grein

Þetta vefsvæði notar vafrakökur.

Lesa skilmála