Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Setið fyrir svörum

6. júní 2019

Þær Kristín Gunnarsdóttir, deildarstjóri á gjörgæsludeild, Fossvogi, og Stefanía Inga Sigurjónsdóttir, hjúkrunarfræðingur á Heilsustofnun í Hveragerði, sitja fyrir svörum um allt frá eftirlætismat til kosta og lasta í eigin fari og annarra. Eftirlætisdýr þeirra beggja eru hundar og þær telja báðar dugnað vera ofmetnustu dyggðina. Eins telja þær báðar hroka vera þann löst sem þær eiga erfiðast með að þola í fari annarra, og mest meta þær heiðarleika í fari vina.

Dáist mest að fólki sem lætur drauma sína rætast

- Kristín Gunnarsdóttir

Fullkomin hamingja er ... að fylgjast með barnabörnunum vaxa og þroskast. Einnig verð ég að segja að spila góðan golfhring í góðu veðri er fullkomin afslöppun.
Hvað hræðist þú mest? Að verða ósjálfbjarga og hafa ekki áhrif á eigið líf.
Fyrirmyndin? Við eigum svo margar frábærar kvenfyrirmyndir hér á landi, sterkar konur sem oft fóru á móti straumnum við erfiðar aðstæður.
Eftirlætismáltækið? Óklifin fjöllin fram undan buga þig ekki heldur steinvalan í skónum þínum …
Hver er þinn helsti kostur? Jákvæðni og seigla.
Hvað vildirðu verða þegar þú varst ung?
Hugur minn beindist mjög snemma að hjúkrun og hef ég svo sannarlega ekki séð eftir því, mjög gefandi starf með mikla möguleika.
Eftirlætismaturinn? Hægeldað lambalæri með öllu tilheyrandi að hætti mömmu.
Hvaða löst áttu erfiðast með að þola í fari annarra? Baktal og hroka.
Hverju ertu stoltust af að hafa áorkað? Að hafa komið börnunum mínum vel á legg. Einnig er ég stolt af að hafa getað sinnt vinnu minni vel og af áhuga.
Eftirminnilegasta ferðalagið? Alveg klárlega ferðalagið sem við á Landspítalanum fórum í til að sækja slasaða Svía eftir flóðin í Tælandi 2006. Það er ferð sem var mjög erfið andlega en ég er þakklát fyrir hana og hún mun alltaf sitja í minningunni.
Ofmetnasta dyggðin? Dugnaður, það getur komið í bakið á manni.
Hver er þinn helsti löstur? Óþolinmæði, vil helst að hlutirnir gerist strax.
Hverjum dáist þú mest að? Því fólki sem nær að láta drauma sína rætast.
Eftirlætishöfundurinn? Enginn sérstakur, er alæta á bækur.
Ofnotaðasta orðið eða orðatiltækið? „Heyrðu“ fer í taugarnar á mér.
Mesta eftirsjáin? Vil ekki ræða það.
Eftirlætisleikfangið? Golfkylfurnar mín.
Stóra ástin í lífinu? Fjölskyldan mín.
Hvaða eiginleika vildirðu helst hafa? Meiri þolinmæði og ró, er frekar ofvirk og þarf alltaf að vera að.
Þitt helsta afrek? Börnin mín.
Eftirlætisdýrið? Hundur.
Hvar vildir þú helst búa? Á Íslandi. Mér hefur alltaf liðið vel þar sem ég bý.
Hvað er skemmtilegast? Spila golf með eiginmanni mínum og vinum okkar.
Hvað eiginleika metur þú mest í fari vina? Heiðarleika og góðmennsku.
Eftirlætiskvikmyndin? „Fish Called Wanda.“ Ég gat horft á hana margoft og alltaf hlegið að henni.
Markmið í lífinu? Klára þau verkefni sem ég hef tekið af mér og gera það að heilindum.
Hvaða starfsvettvang myndirðu kjósa annan en núverandi? Engan, ég er svo þakklát að hafa fengið að fara þá braut sem ég hef fetað síðustu áratugi. En ég hefði orðið góður smiður ef ég hefði kosið þann starfsvettvang.
Eitthvað að lokum? Höldum áfram að gera hjúkrunarfræðina sýnilegri og tölum meira um hvað þetta er frábærlega skemmtilegt fag.

Hræðist mest köngulær og heilsubrest

- Stefanía Inga Sigurjónsdóttir

Fullkomin hamingja er ... að vera sátt í eigin skinni.
Hvað hræðist þú mest? Köngulær og heilsubrest.
Fyrirmyndin? Mamma mín, ekki spurning.
Eftirlætismáltækið? Betra seint en aldrei.
Hver er þinn helsti kostur? Úff ... tryggð.
Hvað vildirðu verða þegar þú varst ung? Kennari, læknir, skurðlæknir. Svo ljósmóðir. Fór þess vegna í hjúkrun og er hér enn! Eftirlætismaturinn? Nautalund með bernaise-sósu.
Hvaða löst áttu erfiðast með að þola í fari annarra? Grobb og hroka.
Hverju ertu stoltust af að hafa áorkað? Á ekki neina bikara eða merkilega verðlaunapeninga, ætli það sé ekki bara menntunin mín.
Eftirminnilegasta ferðalagið? Til Danmerkur í ágúst síðastliðnum ekki spurning! Var þar í 10 daga í RIGNINGU eftir að þar hafði verið 30°C hiti og sól allt sumarið. Svekkelsi!
Ofmetnasta dyggðin? Vinnusemi og dugnaður. Hættum þessu og útrýmum kulnun í starfi!
Hver er þinn helsti löstur? Leti og forvitni.
Hverjum dáist þú mest að? Venjulegu fólki sem stendur af sér þær ótrúlegu raunir sem lífið leggur á það.
Eftirlætishöfundurinn? Veit ekki, er ekki nógu dugleg að lesa.
Ofnotaðasta orðið eða orðatiltækið? Hvað er með þetta veður?!
Mesta eftirsjáin? Að hafa ekki farið til útlanda sem skiptinemi eða „au pair“.
Eftirlætisleikfangið? Dúkkan mín, hún Hildur.
Stóra ástin í lífinu? Eiginmaðurinn, Ómar Örvar.
Hvaða eiginleika vildirðu helst hafa? Geta gert mig ósýnilega og flogið um.
Þitt helsta afrek? Dætur mínar, móðurbetrungar báðar tvær.
Eftirlætisdýrið? Hundar.
Hvar vildir þú helst búa? Bara mjög sátt hér í Hveragerði.
Hvað er skemmtilegast? Ferðast.
Hvað eiginleika metur þú mest í fari vina? Heiðarleika.
Eftirlætiskvikmyndin? Sofna yfir flestum myndum, líka í kvikmyndahúsum, en vakti vel yfir „Million Dollar Baby“ og „The Call“.
Markmið í lífinu? Lifa og njóta!
Hvaða starfsvettvang myndirðu kjósa annan en núverandi? Eitthvað allt annað? Þá verkfræðingur.
Eitthvað að lokum? Hægjum á og njótum líðandi stundar, gærdagurinn er búinn, morgundaginn eigum við ekki vísan, dagurinn í dag er það eina sem við höfum.


Pistlar og viðtöl

Til bakagreinasafn

Pistlar og viðtöl

„Ég held það hafi alltaf legið fyrir mér að fara í hjúkrunarfræði,“ segir Guðbjörg Pálsdóttir, formaður Félags íslenskra hjúkrunarfræðinga.

Nánar

Hjúkrun fólks með langvinna og alvarlega geðrofssjúkdóma hefur átt hug og hjarta Margrétar Eiríksdóttur undanfarin 40 ár.

Nánar

Árangur hjúkrunarfæðings ræðst ekki af því hversu mikla fræðilega þekkingu hann býr yfir að mati Rhomz Singayan Aquino, heldur hversu góður og sveigjanlegur hann er við að nota allt sem hann hefur lært.

Nánar

Fræðigreinar

  • Þróun skimunartækisins HEILUNG

    Sóley Sesselja Bender, prófessor BS, MS, PhD, sérfræðingur í kynheilbrigði, Hjúkrunarfræðideild Háskóla Íslands

    Tilgangurinn með því að þróa þetta skimunartæki er að meta á heildrænan hátt heilbrigði ungs fólks ásamt undirliggjandi áhættuþáttum, áhættuhegðun og verndandi þáttum. Tækið er ætlað skólahjúkrunarfræðingum í framhaldsskólum.

    Fagið

    Ritrýnd grein

  • Sálfélagsleg líðan fullorðinna einstaklinga eftir innanskúmsblæðingu: kerfisbundið fræðilegt yfirlit

    Sjálfsprottin innanskúmsblæðing (SiB) er kölluð heila- blóðfall yngra fólksins. Sálfélagsleg vanlíðan einstaklinga sem fengið hafa SiB getur valdið þeim erfiðleikum með að ná takti í lífinu, jafnvel mörgum árum eftir áfallið. Þrátt fyrir fjölda rannsókna skortir kerfisbundna samantekt á þeim vanda sem einstaklingar með SiB standa frammi fyrir auk þekkingar á bestu hugsanlegu úrræðum.

    Fagið

    Blóð

    Fagleg málefni

    Forvarnir og fræðsla

    Ritrýnd grein

  • Hið ófyrirséða — fyrirbyggjandi aðgerðir gegn ofbeldi á geðdeildum

    Tilgangur rannsóknarinnar var að kanna hvað kveikti á árásargjarnri hegðun sjúklinga á geðdeildum og hvaða aðferðum starfsfólk beitti til að koma í veg fyrir hana.

    Fagið

    Fagleg málefni

    Geðrækt

    Heilbrigðiskerfi

    Samskipti

    Ritrýnd grein

  • Notkun interRAI-upphafsmats til að meta þjónustuþörf í heimahjúkrun og félagslegri heimaþjónustu

    Ingibjörg Hjaltadóttir og Hallveig Skúladóttir

    Mikil fjölgun í hópi þeirra sem vilja búa í sjálfstæðri búsetu þrátt fyrir versnandi heilsufar og óska eftir þjónustu heimahjúkrunar gefur tilefni til þess að skoða kosti þess að nota samræmt matstæki, eins og interRAI-matstækið (Resident Assessment Instrument) sem metur heilsufar, færni og þjónustuþörf þjónustuþega.

    Fagið

    Ritrýnd grein

  • Athafnir og þátttaka eldri borgara

    Margrét Brynjólfsdóttir, Guðrún Pálmadóttir og Sólveig Ása Árnadóttir

    Árið 2013 voru 13,6% íbúa á sunnanverðum Vestfjörðum 65 ára eða eldri. Tilgangur verkefnisins var að rannsaka athafnir og þátttöku í daglegu lífi meðal heimabúandi eldri borgara á þessu svæði.

    Fagið

    Ritrýnd grein

Þetta vefsvæði notar vafrakökur.

Lesa skilmála