Prenta síðu

Aðild að Fíh//


Félag íslenskra hjúkrunarfræðinga (Fíh) var stofnað 1919. Félagið er bæði fag- og stéttarfélag. Megin tilgangur þess er að gæta hagsmuna hjúkrunarfræðinga, stuðla að þróun hjúkrunar og taka þátt í stefnumótun í heilbriðgismálum. Félagið semur um kaup og kjör fyrir félagsmenn sína, og eru félagsmenn tæplega 4000 hjúkrunarfræðingar.

Rétt til aðildar að félaginu eiga þeir sem á grundvelli laga um heilbrigðisstarfsmenn nr 34/2012 og reglugerðar um hjúkrunarfræðinga, hafa leyfi til þess að stunda hjúkrun hér á landi og kalla sig hjúkrunarfræðing.

 

 

Aðild að Félagi íslenskra hjúkrunarfræðinga er á fjóra vegu:

Full aðild


Full aðild býðst hjúkrunarfræðingum sem greiða félagsgjöld samkvæmt ákvörðun aðalfundar af launum sínum og atvinnuveitandi greiðir tilskilin gjöld  í sjóði félagsins fyrir þeirra hönd. Til að öðlast fulla aðild þarf að skila inn umsókn ásamt staðfestingu á hjúkrunarleyfi.

Umsókn hjúkrunarfræðings um fulla aðild

Fagaðild


Fagaðild býðst þeim hjúkrunarfræðingum sem ekki greiða félagsgjöld. Fagaðildarfélagar greiða sérstakt fagaðildargjald árlega til félgsins sem ákveðið er á aðalfundi. Fagaðilum býðst aðgangur að fagsvið Fíh, þar með töldum námskeiðum, þingum og ráðstefnum á vegum þess. Fagaðilar hafa auk þess þátttöku- og atkvæðisrétt á árlegum aðalfundum félagsins, kosningarétt í formannskjöri og rétt til þátttöku í starfsemi fagdeilda á vegum félagsins auk kjörgengi tl setu í nefndum á vegum þess.

Til að sækja um fagaðild þarf að hafa samband við skrifstofu í síma 540 6400 eða með tölvupósti: hjukrun@hjukrun.is 

Lífeyrisaðild


Lífeyrisaðild býðst hjúkrunarfræðingum sem hafa hafið töku lífeyris og  eru hættir störfum og greiða ekki félagsgjald. Lífeyrisaðild er félaganum að kostnaðarlausu. Lífeyrisaðilum býðst aðgangur að fagsvið Fíh, þar með töldum námskeiðum, þingum og ráðstefnum á vegum þess. Lífeyrisaðilar hafa auk þess þátttöku- og atkvæðisrétt á árlegum aðalfundum félagsins, kosningarétt í formannskjöri og rétt til þátttöku í starfsemi fagdeilda á vegum félagsins auk kjörgengi tl setu í nefndum á vegum þess.

Til að sækja um lífeyrisaðild þarf að hafa samband við skrifstofu í síma 540 6400 eða með tölvupósti: hjukrun@hjukrun.is 

Aukaaðild


Rétt til aukaaðildar að félaginu eiga nemendur í hjúkrunarfræði sem lokið hafa fyrsta námsári í greininni við Háskóla Íslands, Háskólann á Akureyri eða annan viðurkenndan háskóla. Nemendur í hjúkrunarfræði sem þiggja laun skv. kjarasamningi sem félagið hefur gert fyrir þeirra hönd hafa rétt á að greiða atkvæði um viðkomandi kjarasamning.

Umsókn hjúkrunarfræðinema um aðild

Landlæknisembættið - Upplýsingar um starfsréttindi heilbrigðisstétta

 

 

Umsjón með umsóknum

Guðrún Andrea Guðmundsdóttir
Guðrún Andrea Guðmundsdóttir
Fulltrúi
Sími: 540 6400