Hjukrun.is-print-version

Áhugahvetjandi samtal- grunnnámskeið

Áhugahvetjandi samtal (e. Motivational Interviewing) er notað bæði með fullorðnum og unglingum sem gætu verið í þörf fyrir breytingar á lífsstíl eða hegðun. Aðferðin sem hér er um að ræða miðar að því að virkja vilja skjólstæðings til jákvæðra breytinga á lífsstíl og hegðun. Starfsmenn efla færni sína í að mæta skjólstæðingi þar sem hann er staddur, laða fram og ýta undir hugsanir og tillögur hans sjálfs um jákvæðar breytingar.

Fagfólk sem tileinkar sér þessa aðferð eflir færni sína í að aðstoða fólk í að breyta hegðun. Mikilvægt einkenni áhugahvetjandi samtals er einnig að forðast ákveðnar leiðir í samtalinu sem eru til þess fallnar að ýta undir mótþróa og draga úr vilja til breytinga. Borin er virðing fyrir sjálfstæði skjólstæðingsins, rétti hans og getu til að taka eigin ákvarðanir innan viðeigandi marka hverju sinni.

Reynsla þeirra sem hafa lært og notað áhugahvetjandi samtal er að vinnan verður skemmtilegri og árangursríkari, sem getur dregið úr líkum á kulnun í starfi. Rannsóknir hafa leitt í ljós að umrædd nálgun ber árangur bæði í bráðaþjónustu og meðferðarvinnu.

Á námskeiðinu er farið yfir fræðilegan bakgrunn, grunnhugmyndir og áhersla er lögð á æfingar. Fjallað er um kóðun á samtalsbútum og greiningarkerfið MITI kynnt, en það kerfi tryggir gæði í framkvæmdinni og að aðferðin sé notuð rétt. Þátttakendur skila inn einum 20 mín. löngum samtalsbút (í stafrænu formi) til greiningar á meðan á námskeiðinu stendur.


Skráningarfrestur útrunninn

Áhugahvetjandi samtal- grunnnámskeið

Hefst 28. apríl 2022

Skráningu lýkur 25. apríl

Verð

55.000 kr.

Dagar

28. og 29. apríl 2022

Tími

09:00-16:00

Umsjón

Dr. Helga Sif Friðjónsdóttir og Héðinn Svarfdal Björnsson, MA

Staðsetning

Húsnæði Fíh, Suðurlandsbraut 22, Reykjavík

Þetta vefsvæði notar vafrakökur.

Lesa skilmála