Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Vinsamlegast svaraðu í tölustöfum

Námskeið í ráðgjöf um getnaðarvarnir

21. september 2020

Á vegum Hjúkrunarfræðideildar Háskóla Íslands verður í fyrsta sinn haustið 2020 boðið upp á námskeið til að undirbúa hjúkrunarfræðinga að veita ráðgjöf um getnaðarvarnir og ávísa hormónagetnaðarvörnum. Námskeiðið er ætlað hjúkrunarfræðingum sem lokið hafa eða stunda meistaranám í heilsugæslu. Námskeiðið heitir HJÚ157F Ráðgjöf um getnaðarvarnir- lyfjaávísanir og er 6 ECTS einingar, bæði fræðilegt og klínískt. Fræðilegi hlutinn er kenndur í einni lotu í september og lýkur með rafrænu prófi. Lotan hefst mánudaginn 21. september og lýkur föstudaginn 25. september. Nemendur vinna síðan tvö klínísk verkefni og ljúka námskeiðinu í lok haustannar. Lágmarksfjöldi eru 15 nemendur og hámarksfjöldi 20.

Í námskeiðinu læra nemendur almennt um getnaðarvarnir en sérstaklega um hormónagetnaðarvarnir og hvernig skuli standa að ráðgjöf um getnaðarvarnir. Námskeiðinu er ætlað að gefa fræðilegan grunn en jafnframt að byggja upp klíníska færni til að nemandi sé fær um að ávísa hormónagetnaðarvörnum, fylgja þeim konum eftir sem fá getnaðarvarnir og takast á við þær aukaverkanir sem upp kunna að koma. Sýnt er hvernig hormónastafur og lykkja er sett upp og fjarlægð.

Fyrir starfandi hjúkrunarfræðinga þarf að sækja um námið í gegnum Endurmenntun. Opnað verður fyrir skráningu í Endurmenntunn 15-20 júní. Lokadagur skráningar er 14. ágúst. Nemendur við Hjúkrunarfræðideild Háskóla Íslands skrá sig í námskeiðið með hefðbundnum hætti. Nemendur við Háskólann á Akureyri þurfa að sækja um námið sem gestanemar fyrir 15. ágúst. Upplýsingar um gestanám: https://www.hi.is/nam/gestanam_opinberir_haskolar

Umsjónarkennarar: Sóley S. Bender, prófessor og Hildur Sigurðardóttir, lektor.


Til bakaAðrir viðburðir

Þetta vefsvæði notar vafrakökur.

Lesa skilmála