Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

Yfirlýsing frá heilbrigðisráðherra

RSSfréttir
24. janúar 2020

Eftirfarandi yfirlýsing barst Félagi íslenskra hjúkrunarfræðinga vegna svars um meðallaun og launamun hjúkrunarfræðinga eftir sjúkrahúsum:

Mistök í svari við fyrirspurn um kjör hjúkrunarfræðinga

Í upphafi árs svaraði heilbrigðisráðuneytið skriflegri fyrirspurn þingmannsins Maríu Hjálmarsdóttur um launamun hjúkrunarfræðinga eftir sjúkrahúsum. Í svari ráðuneytisins voru meðal annars birtar upplýsingar um meðalgrunnlaun og meðalheildarlaun hjúkrunarfræðinga. Mistök urðu við vinnslu svarsins, en það var byggt á röngum forsendum og verður unnið að nýju.

Tölurnar í svarinu voru settar fram með launatengdum gjöldum. Slík framsetning gefur ranga mynd af meðalgrunnlaunum og meðalheildarlaunum hjúkrunarfræðinga. Við upplýsingagjöf um laun og kjör eru launatengd gjöl almennt ekki höfð með og tryggt verður að sambærileg mistök gerist ekki aftur. Ráðuneytið biðst velvirðingar á mistökunum.

Nýtt svar verður sent Alþingi síðar í dag, 24. janúar 2020.

Svandís Svavarsdóttir,
heilbrigðisráðherra

Upprunalegt skjal

 

Til baka

Þetta vefsvæði notar vafrakökur.

Lesa skilmála