Hjukrun.is-print-version

Ábending/Fyrirspurn

Á virkum dögum er fyrirspurnum að jafnaði svarað innan 48 tíma eftir að þær berast.

5. fundur stjórnar Fíh 2019 – 2020

5. nóvember 2019

Þriðjudaginn 05. nóvember 2019 kl. 10:30-16:00

Mættir: Anna María Þórðardóttir, Arndís Jónsdóttir, Guðbjörg Pálsdóttir, Helena Eydal (varamaður), Halla Eiríksdóttir, Hildur Björk Sigurðardóttir og Gísli Nils Einarsson.
Gestir: Sólveig Stefánsdóttir fjármálastjóri, Gunnar Helgason sviðsstjóri kjara- og réttindasviðs og Edda Dröfn Daníelsdóttir sviðsstjóri fagsviðs.

Til afgreiðslu

  1. Fundargerð síðasta fundar.
    Fundargerð 4. fundar stjórnar Fíh lögð fram til samþykktar.
    Afgreiðsla: Samþykkt.

Til kynningar

  1. Afmælishátíð í Hörpu 15. nóvember 2019.
    Fáir miðar eru eftir og verður áminning varðandi viðburðinn sett á samskiptamiðlana í vikunni. Farið var yfir kostnaðaráætlun viðburðarins.
    Afgreiðsla: Umræður.

Til umræðu

  1. Félagssjóður 2020 og fimm ára áætlun.
    Félagssjóður stendur vel miðað við áætlun, rekstrarútgjöld eru lægri en gert hafði verið ráð fyrir en tekjur eru skv. áætlun.
    Afgreiðsla: Umræður.
  2. Staða núverandi kjaraviðræðna og fréttir frá kjara- og réttindasviði
    Kjaraviðræður ganga hægt, en framgangur viðræðna er trúnaðarmál. Fréttatilkynningar hafa verið settar reglulega til félagsmanna um stöðu viðræðna og verður svo áfram.
    Farið var yfir niðurstöðu dóms sem féll í Héraðsdómi Reykjavíkur 1. nóvember sl. sem félagið höfðaði á hendur íslenska ríkinu vegna mismunandi launaröðunar svæðisstjóra hjá Heilsugæslu höfuðborgarsvæðisins, byggt á kynferði.
    Afgreiðsla: Umræður. Stjórn harmar niðurstöðu dómsins og að á sama tíma og jafnrétti milli kynja er talið vera með því besta í heiminum á Íslandi í dag, sé raunveruleg niðurstaða önnur. Stjórn styður kjara- og réttindasvið og samninganefnd eins og þörf er á í samningsviðræðunum.

  3. Árið 2020 og fréttir frá fagsviði
    Árið 2020 mun Alþjóðaheilbrigðisstofnunin (WHO) tileinka hjúkrunarfræðingum og ljósmæðrum. Af því tilefni verða Félag íslenskra hjúkrunarfræðinga og Ljósmæðrafélag Íslands með sameiginlega viðburði á árinu og er verið að vinna í dagskrá ársins. Sá fyrsti verður 16. janúar. Mörg verkefni eru í undirbúningi, m.a. með fag- og landsvæðadeildum fyrir árið til að auka sýnileika hjúkrunar og efla hjúkrunarfræðinga.
    Afgreiðsla: Umræður. Stjórn félagsins fagnar þessum fyrirætlunum og styður verkefnið.Bók um 100 ára afmæli Fíh

  4. Afmælisnefnd 100 ára afmælis Fíh leggur fram gögn um tillögu að afmælisriti um hjúkrun í 100 og til framtíðar.
    Afgreiðsla: Umræður. Búið er að útbúa 2 sjónvarpsþætti um sögu hjúkrunar í 100 ár og sögusýninguna á Árbæjarsafni. Jafnframt er búið að taka ljósmyndir og myndbönd af sýningunni. Stjórn telurþví ekki ástæðu til að gefa einnig út afmælisrit eða bók um afmælisárið þar sem búið er að vinna mikla og góða vinnu við að skrásetja afmælisárið með fullnægjandi hætti nú þegar.

  5. Starfsáætlun stjórnar
    Farið yfir starfsáætlun stjórnar og stöðu verkefna.
    Afgreiðsla: Umræður. Stjórn heldur áfram að vinna í verkefnum í hópum sem meðlimir eru þátttakendur í.

Önnur mál

  1. Karlmenn í hjúkrun
    Búið er að stofna vinnuhóp til samræmis við ákvörðun stjórnar sem tekin var á sameiginlegum fundi fulltrúa hjúkrunarfræðideilda HÍ, HA og Fíh í lok september síðastliðinn. Búið er að tilnefna frá öllum aðilum í vinnuhópinn og er vinna að hefjast.
    Afgreiðsla: Umræður og verkefninu fagnað.


Fundi slitið kl. 16:00
Næsti fundur stjórnar er áætlaður þriðjudaginn 10. desember 2019 kl. 10:30

 

Fundargerðir

Til bakagreinasafn

Þetta vefsvæði notar vafrakökur.

Lesa skilmála