Hjúkrun sjúklinga með sár er viðfangsefni sem flestir ef ekki allir hjúkrunarfræðingar þurfa einhvern tímann að sinna. Sárin eru margvísleg og meðferð þeirra sömuleiðis. Tilraun til að fá sár til að gróa hefst með því að greina orsök þeirra og þá þætti sem tafið geta sárgræðslu, því þá aðeins verður sárameðferðin markviss og árangursrík.

Á námskeiðinu verður farið í grunnþætti sárgræðslu, þætti sem hafa áhrif á sárgræðslu, heildrænt mat á sárum, hreinsun sára og val á umbúðum. Fjallað verður um ólíkar sárgerðir en sérstök áhersla verður lögð á greiningu og meðferð fóta- og fótleggjasára.

Morgunhressing er innifalin á námskeiðinu, hádeginu sjá þátttakendur um sig sjálfir.