Prenta síðu


Minningarsjóður Hans Adolfs Hjartarsonar


Minningarsjóðurinn var stofnaður í mars 1951 af ættingjum hans og bekkjarsystkinum, en Hans lést í janúar 1951. Sjóðurinn var stofnaður til að styrkja hjúkrunarfræðinga til frekara náms og eins til ferðalaga í sambandi við félagsmál. Var það samkvæmt ósk hins látna og þess jafnframt getið að hann hefði borið þakklæti í huga fyrir góða hjúkrun á Landspítalanum. Styrkjum er úthlutað annað hvert ár, þegar ártal er jöfn tala og er umsóknafrestur til 1. október það ár.

Reglur sjóðsins og Umsóknareyðublað

Skrifstofa félagsins tekur á móti gjöfum fyrir hönd sjóðsins og annast sendingu minningarkorta. Nánari upplýsingar í síma 540 6400.

Texti inn í minningarkortinu er:
Minningarsjóði Hans A. Hjartarsonar, námssjóði Félags íslenskra hjúkrunarfræðinga, hefur verið færð minningargjöf.

Með innilegri samúð

 

Minningarsjóður Kristínar Thoroddsen


Kristín Ólína Thoroddsen, f. 29. apríl 1894, d. 28. febrúar 1961, var forstöðukona Landspítalans og Hjúkrunarkvennaskóla Íslands frá stofnun hans árið 1949. Fyrrum nemendur skólans og aðrir hjúkrunarfræðingar gengust fyrir stofnun þessa minningarsjóðs við andlát Kristínar í þakklætis- og virðingarskyni fyrir brautryðjendastörf hennar. Tilgangur sjóðsins er að veita viðurkenningu hjúkrunarfræðingum sem skarað hafa fram úr í námi og sýnt sérstaka hæfileika til hjúkrunarstarfa. Sjóðurinn veitir einnig styrki til framhaldsnáms í hjúkrun. Styrkjum er úthlutað annað hvert ár, þegar ártal er jöfn tala og er umsóknafrestur til 1. október það ár.
Reglur sjóðsins  og Umsóknareyðublað

Skrifstofa félagsins tekur á móti gjöfum fyrir hönd sjóðsins og annast sendingu minningarkorta. Nánari upplýsingar í síma 540 6400.

Texti inn í minningarkortinu er:
Minningarsjóði Kristínar Thoroddsen, náms og viðurkenningarsjóði Félags íslenskra hjúkrunarfræðinga, hefur verið færð minningargjöf.

Með innilegri samúð

Stjórn Minningarsjóðs
Hans Adolfs Hjartarsonar

Guðbjörg Pálsdóttir 
starfandi formaður Fíh

Helga Jónsdóttir
deildarforseti hjúkrunarfræðideildar H.Í.

Hrund Sch. Thorsteinsson
hjúkrunarfræðingur, félagsmaður Fíh

 

Stjórn Minningarsjóðs Kristínar Thoroddsen

Guðbjörg Pálsdóttir
starfandi formaður Fíh

Helga Jónsdóttir
deildarforseti hjúkrunarfræðideildar H.Í.

Sigríður Gunnarsdóttir
framkvæmdastjóri hjúkrunar LSH

Steinunn Sigurðardóttir
formaður Öldungadeildar Fíh