Efst á baugi
Opið fyrir umsóknir í minningarsjóði
Minningarsjóðir sem Fíh heldur utan um eru þrír. Minningarsjóður Hans Adolfs Hjartarsonar og Minningarsjóður Kristínar Thoroddsen styrkja hjúkrunarfræðinga í starfi og námi. Rannsókna- og vísindasjóður Maríu Finnsdóttur styrkir hjúkrunarfræðinga til rannsókna- og vísindastarfi.
Tími breytinga runninn upp - Nám í hjúkrunarfræði á Íslandi
Háskóli Íslands (HÍ), Háskólinn á Akureyri (HA) og Félag íslenskra hjúkrunarfræðinga (Fíh) telja tímabært að breyta námi til starfsréttinda hjúkrunarfræðinga í fimm ára nám sem skiptist í þriggja ára B.S.-nám og tveggja ára meistaranám. Námið yrði þá sambærilegt öðrum námsleiðum sem áður voru þrjú eða fjögur ár til starfréttinda s.s. sjúkraþjálfun, félagsráðgjöf, kennaranám og verkfræði, og yrði sambærilegra við nám helstu háskólamenntaðra samstarfsstétta í heilbrigðisvísindum á Íslandi. Fleiri þættir styðja breytta námsskrá s.s. samfélagsþættir og framtíðarþróun. Breytingar krefjast undirbúnings og því hafa verkefnishópar við Hjúkrunar- og ljósmóðurfræðideild HÍ og Hjúkrunarfræðideild HA unnið þétt saman að undirbúningi þessara breytinga síðastliðin tvö og hálft ár í samstarfi við Félag íslenskra hjúkrunarfræðinga og Ljósmæðrafélag Íslands, auk þess sem leitað hefur verið til forystu hjúkrunar í landinu.
Alþjóðaráð hjúkrunarfræðinga fordæmir harkalega stigmögnun í árásum á heilbrigðisstarfsfólk
Alþjóðaráð hjúkrunarfræðinga lýsir yfir verulegum áhyggjum í tengslum við niðurstöður árlegrar skýrslu SHCC (Safeguarding Health in Conflict Coalition). Skýrslan bregður ljósi á það linnulausa og stigmagnandi ofbeldi sem beinist gegn heilbrigðisstarfsfólki, stofnunum og sjúklingum í 33 löndum og landssvæðum á árinu 2025.
Fyrsta ráðstefna fagdeildar svefnhjúkrunar
Svefnhjúkrun2026: Ráðstefna um rannsóknir hjúkrunarfræðinga sem snúa að einhverju leyti að svefni.
Fagdeild svefnhjúkrunar stendur að ráðstefnu 1. október frá kl 16:30-18:30 (eða 19:00, fer eftir fjölda erinda) á Teams. Ráðstefnan verður ekki tekin upp. Á fyrstu ráðstefnu Fagdeildar svefnhjúkrunar verða kynntar rannsóknir hjúkrunarfræðinga sem snúa að einhverju leyti að svefni. Ráðstefnan er vettvangur fyrir hjúkrunarfræðinga til að miðla nýjustu þekkingu um svefn og sjá hvað aðrir hjúkrunarfræðingar eru að rannsaka. Ráðstefnan er fyrir meðlimi Fagdeildar svefnhjúkrunar en aðrir hjúkrunarfræðingar eru velkomnir og allir hjúkrunarfræðingar sem stunda rannsóknir á svefni eru hvattir til að senda inn erindi.
Fjöldi starfandi hjúkrunarfræðinga
1.203 starfa á landsbyggðinni
