Landspítali, heilsugæsla, heilbrigðisstofnanir - með launaflokkum
Landspítali, heilsugæsla, heilbrigðisstofnanir - með launatölum
Embætti landlæknis, Sjúkratryggingar, Sólvangur, Umhverfisstofnun, Vinnueftirlitið
Reykjalundur
Samtök fyrirtækja í velferðarþjónustu
Reykjavíkurborg
Samband sveitarfélaga

Ráðningarsamningur er samningur á milli þín og vinnuveitandans um afkomu heimilisins.

Enginn ætti að ráða sig til starfa eða hefja starf án þess að til sé undirritaður ráðningarsamningur á milli starfsmanns og vinnuveitenda. Ráðningasamningur skal vera skriflegur, það er það bundið í lög hjá opinberum starfsmönnum en ekki síður mikilvægt á almennum vinnumarkaði. Mikilvægt er að lesa ráðningarsamninginn vandlega yfir áður en til undirritunar kemur – líka smáa letrið, undir hvað skrifaðir þú ?

Eftirfarandi upplýsingar verða að koma fram á ráðningarsamningi : 

1. Nafn, heimilisfang og kennitala vinnuveitanda/stofnunar
2. Nafn, heimilisfang og kennitala starfsmanns
3. Vinnustaður
4. Starfsheiti, stutt útlistun á umfangi og ábyrgðarsviði
5. Launakjör – (á einkamarkaði er nauðsynlegt að vísa í kjarasamning svo að laun taki örugglega kjarasamningsbundnum hækkunum)
6. Vinnutími (dagvinna, vaktavinna, fastar næturvaktir, bakvaktir)
7. Starfshlutfall
8. Stéttarfélag
9. Lífeyrissjóður
10. Uppsagnarfrestur

Jafnframt þarf að koma fram hvort um tímabundna eða ótímabundna ráðningu er að ræða.Ef ráðning er ótímabundin þarf að koma fram hver reynslutíminn er, ef einhver. Ef ráðningin er tímabundin þarf upphaf ráðningar og starfslok að koma fram. Í ráðningarsamningi skal tilgreindur gagnkvæmur uppsagnarfrestur. Uppsagnarfrestur vinnuveitanda getur verið lengri en uppsagnarfrestur starfsmannsins á grundvelli kjarasamningsákvæða. Enginn uppsagnarfrestur er á tímabundinni ráðningu nema því aðeins að það sé sérstaklega tekið fram í ráðningarsamningi.

Allar breytingar sem verða á ráðningakjörum umfram breytingar sem verða vegna laga, kjarasamninga eða vegna annarra stjórnvaldsfyrirmæla á að staðfesta með endurnýjun ráðningarsamning/breytingartilkynningu. Þetta á við um allar breytingar sem gerðar eru á ráðningarkjörum og má sem dæmi nefna breytingu á starfshlutfalli, launaflokki, vinnutíma o.s.frv.

Veistu hvar afritið af ráðningarsamningum þínum er?

Mikilvægt er að geyma afrit afrit ráðningarsamnings og allra breytingatilkynninga á tryggum stað líkt og önnur mikilvæg persónuleg gögn.