Kjör í stjórn, nefndir og ráð

Auglýst var eftir framboðum til stjórnar, í ritnefnd, stjórn orlofssjóðs ásamt skoðunarmönnum reikninga. Framboðsfrestur var til og með 21. apríl. Eftirtaldir hjúkrunarfræðingar eru í framboði.

Framboð til stjórnar

Óskað var eftir þremur aðalmönnum í stjórn og einum varamanni.

Þrír hjúkrunarfræðingar voru kjörnir til aðalmanns í stjórn:

Bryndís Rut Logadóttir

María Björg Kristjánsdóttir

Sólveig Tryggvadóttir

Einn hjúkrunarfræðingur var kjörinn sem varamaður í stjórn:

Ásdís M. Finnbogadóttir

Ritnefnd

Óskað var eftir þremur framboðum í ritnefnd, þrír hjúkrunarfræðingar voru kjörnir:

Guðrún Jónsdóttir

Ólöf Sigríður Indriðadóttir

Þórhildur Guðbjörg Hjaltadóttir

Stjórn orlofssjóðs

Óskað var eftir einum fulltrúa í stjórn orlofssjóðs til eins árs. Einn hjúkrunarfræðingur var kjörinn:

Halldóra Þorgilsdóttir

Skoðunarmenn reikninga

Óskað var eftir tveimur skoðunarmönnum reikninga. Tveir hjúkrunarfræðingar voru kjörnir:

Birgir Örn Ólafsson

Guðbjörg Pálsdóttir

Sex ályktanir voru lagðar fram og voru þær allar samþykktar.

Ályktun 1 - Hjúkrunarfræðinám til framtíðar

Aðalfundur Félags íslenskra hjúkrunarfræðinga telur brýnt að hjúkrunarfræðinám til starfsleyfis á Íslandi verði fimm ára háskólanám sem ljúki með meistaragráðu.

Ísland er fámennt og dreifbýlt land þar sem hjúkrunarfræðingar starfa sjálfstætt og sinna fjölbreyttum og flóknum verkefnum. Langar vegalengdir, takmarkað aðgengi að sérfræðiþjónustu og breytilegar þarfir sjúklinga gera ríkar kröfur til þekkingar, hæfni og faglegs sjálfstæðis hjúkrunarfræðinga.

Alþjóðaheilbrigðismálastofnunin hefur bent á að starfsumhverfi hjúkrunarfræðinga verði sífellt flóknara og að áskoranir nútímans kalli á víðtækari menntun. Hröð tækniþróun, nýjar heilbrigðislausnir, aukin sjúkdómsbyrði, fjölbreyttari íbúasamsetning og breytt alþjóðlegt samhengi gera auknar kröfur um hæfni og traustan þekkingargrunn hjúkrunarfræðinga.

Fimm ára námsleið til starfsleyfis eflir faglega hæfni hjúkrunarfræðinga og býr þá betur undir fjölbreytt og síbreytilegt starfsumhverfi heilbrigðisþjónustunnar. Slík menntun stuðlar að aukinni starfsánægju, meiri festu í starfi og þar með styrkingu mönnunar hjúkrunarfræðinga til lengri tíma. Jafnframt myndi námsleiðin treysta fræðilegan grunn greinarinnar, efla rannsóknir og kennslu og styðja við áframhaldandi þróun þekkingar og fagmennsku í hjúkrun. Þá er einnig mikilvægt að hjúkrunarfræðinám standi jafnfætis annarri háskólamenntun heilbrigðisstétta og sé byggt upp í samræmi við Bologna-yfirlýsinguna.

Ályktun 2 - Rannsókn alvarlegra atvika í heilbrigðisþjónustu

Aðalfundur Félags íslenskra hjúkrunarfræðinga telur brýnt að lokið verði án tafar við innleiðingu og framkvæmd þeirra breytinga sem kveðið er á um í lögum nr. 103/2023 um rannsókn alvarlegra atvika í heilbrigðisþjónustu.

Nauðsynlegt er að skýra og festa í sessi gagnsætt verklag og verkaskiptingu milli embættis landlæknis, lögreglu og ákæruvalds, í samræmi við markmið laganna um aukið öryggi sjúklinga og eflingu öryggismenningar.

Tryggja þarf að rannsóknir alvarlegra atvika beinist að heilbrigðisstofnunum eftir atvikum, með það að markmiði að draga lærdóm af atvikum og fækka þeim.

Ályktun 3 - Fjármögnun heilbrigðisstofnana

Aðalfundur Félags íslenskra hjúkrunarfræðinga skorar á heilbrigðisyfirvöld að tryggja nægjanlega og fyrirsjáanlega fjármögnun heilbrigðisstofnana.

Fjármögnun þarf að taka mið af raunverulegu umfangi þjónustu, mönnunarþörf og kröfum um gæði og öryggi. Óstöðug eða ófullnægjandi fjármögnun bitnar á þjónustu við sjúklinga og eykur álag á starfsfólk.

Tryggja þarf að fjármögnun styðji við faglega þróun, örugga mönnun og sjálfbæran rekstur heilbrigðisþjónustunnar.

Ályktun 4 - Embætti yfirhjúkrunarfræðings

Aðalfundur Félags íslenskra hjúkrunarfræðinga skorar á heilbrigðisyfirvöld að stofna embætti yfirhjúkrunarfræðings innan íslenskrar stjórnsýslu, í samræmi við tilmæli Alþjóðaheilbrigðismálastofnunarinnar.

Hjúkrun krefst sérfræðiþekkingar, fagmennsku og markvissrar þróunar. Hjúkrun á ekki að vanmeta eða undanskilja í stefnumótun heilbrigðiskerfisins.

Embætti yfirhjúkrunarfræðings tryggir faglega leiðsögn, heildarsýn og stefnumótun heilbrigðisyfirvalda og stuðlar að gæðum, öryggi og jöfnu aðgengi að heilbrigðisþjónustu.

Ályktun 5 - Skýr mönnunarviðmið

Aðalfundur Félags íslenskra hjúkrunarfræðinga skorar á heilbrigðisyfirvöld að innleiða og þróa áfram mönnunarviðmið í hjúkrun.

Mönnunarviðmið skulu byggja á gagnreyndri þekkingu og samræmdu, kerfisbundnu verklagi milli stofnana.

Halda þarf áfram þróun mönnunarviðmiða og yfirfæra þau á allar heilbrigðisstofnanir og starfseiningar ríkisins.

Tryggja þarf gagnsæi með reglulegri birtingu upplýsinga um mönnun og hjúkrunarálag og setja skýr viðbrögð þegar mönnun er ekki fullnægjandi.

Tryggja þarf gæði þjónustu, öryggi sjúklinga og eðlilegt vinnuálag hjúkrunarfræðinga.

Ályktun 6 - Íslenskukunnátta og inngilding

Aðalfundur Félags íslenskra hjúkrunarfræðinga leggur áherslu á að gerðar séu skýrar kröfur við veitingu starfsleyfa hjúkrunarfræðinga um nægilega íslenskukunnáttu og þekkingu á lögum og reglum sem gilda um heilbrigðisþjónustu á Íslandi.

Jafnframt skal tryggja fullnægjandi stuðning varðandi starfs- og menningarbundna þætti, launaröðun á réttum forsendum og öruggt starfsumhverfi.

Hvatningarstyrkir

Fjórir hjúkrunarfræðingar fengu hvatningastyrk.

Arna Garðarsdóttir

Arna Garðarsdóttir, hjúkrunarfræðingur og doktorsnemi, hefur verið öflugur drifkraftur í þróun og eflingu heilsuverndar skólabarna í framhaldsskólum landsins. Með eldmóði, fagmennsku og skýrri framtíðarsýn hefur hún unnið markvisst að bættri þjónustu, auknum forvörnum og eflingu heilsulæsis meðal ungs fólks. Arna er jafnframt þekkt fyrir frumkvæði sitt, metnað og sterka áherslu á velferð og heilsu nemenda.

Ásgeir Valur Snorrason

Ásgeir Valur er hjúkrunarfræðingur á svæfingadeild Landspítala og hefur um árabil gegnt mikilvægu hlutverki í kennslu og þróun svæfingahjúkrunar. Hann hefur verið leiðandi í kennslu sérhæfðrar endurlífgunar og hermináms og átt stóran þátt í að innleiða það þjálfunarform meðal heilbrigðisstétta. Ásgeir Valur er þekktur fyrir fagmennsku, þekkingu og framúrskarandi kennsluhæfileika.

Elfa Þöll Grétarsdóttir

Elfa Þöll er sérfræðingur í öldrunarhjúkrun á Landspítala og hefur unnið ötullega að þróun og umbótum í hjúkrun aldraðra með áherslu á fagmennsku, fræðslu og öryggi sjúklinga. Elfa Þöll hefur leitt mikilvæg verkefni á sviði hjúkrunar og er þekkt fyrir lausnamiðað vinnulag, frumkvæði og afar góð samstarfshæfni

Sólveig Hulda Valgeirsdóttir

Sólveig Hulda, hjúkrunarfræðingur og deildarstjóri á Sjúkrahúsinu á Akureyri, helgaði starfsævi sína lyflækningadeild spítalans. Hún gegndi þar fjölbreyttum störfum, fyrst sem hjúkrunarfræðingur, síðar aðstoðardeildarstjóri og loks deildarstjóri frá árinu 2025. Hún lagði meðal annars sitt af mörkum við uppbyggingu lífslokameðferðar á deildinni og gegndi lykilhlutverki í skipulagningu Covid-þjónustu SAk. Sólveig var þekkt fyrir samkennd, dugnað og bar mikla umhyggju fyrir sjúklingum og samstarfsfólki.

Styrkhafar rannsóknarstyrkja Vísinda- og rannsóknarsjóðs

Birna Rut Aðalsteinsdóttir

Samverurannsókn foreldra og barna á Vökudeild

Fanney Viktoría Kristjánsdóttir

Gildi styrkleikamiðaðra meðferðarsamræðna fyrir fjölskyldur (SMMS) í geðheilbrigðisþjónustu fyrir virkni og aðlögun fjölskyldunnar: Sjónarmið sjúklinga, fjölskyldna og hjúkrunarfræðinga. Meðferðarrannsókn.

Guðbjörg Pálsdóttir

Reynsla hjúkrunarfræðinga af hjúkrun bráðveikra og slasaðra erlendra ferðamanna (barna og fullorðinna) sem þiggja heilbrigðisþjónustu á bráðamóttökum og heilsugæslustöðvum heilbrigðisstofnana á Íslandi.

Gunnur Ýr Gunnarsdóttir

Þróun spurningalista sem metur þekkingu og viðhorf sjúklinga til verkjameðferðar eftir skurðaðgerð

Helga Hrönn Þórsdóttir

„Viðhorf og væntingar hjúkrunarfræðinga tengt fyrirhuguðum samruna og breytingaferli gjörgæsludeilda í Nýja Landspítala: Blönduð rannsókn með eigindlegri áherslu“

Helga Ýr Erlingsdóttir

Sjálfsumönnun einstaklinga með gáttatif - Þversniðsrannsókn

Herdís Jóna Birgisdóttir

Lífsgæði, þekking og hjúkrunarþarfir göngudeildarsjúklinga með skorpulifur á Landspítala

Hulda Rós Arndísardóttir

Háflæðissúrefnismeðferð innlagðra barna 2 ára og yngri með öndunarfærasjúkdóma á árunum 2014-2024 á Landspítala og hjúkrunarþarfir þeirra.

Rannveig Þöll Þórsdóttir

Þróun og mat á samskapaðri lífsstílsíhlutun í hjúkrunarstýrðri clozapine klíník: Greining á hagkvæmni og útkomum.

Sigríður Zoéga

Þróun spurningalista sem metur þekkingu og viðhorf sjúklinga til verkjameðferðar eftir skurðaðgerð

Sigurborg Bjarnadóttir

Stafræn heilbrigðistækni og lyfjaumsýsla á hjúkrunarheimilum: Upplifun heilbrigðisstarfsfólks af vinnuflæði og lyfjaöryggi í tengslum við eMed á Íslandi

Sonja Marý Halldórsdóttir

Áhrif ofbeldisatvika á einkenni kulnunar hjá starfsfólki Geðþjónustu Landspítala

Heiðursfélagar

Anna Guðríður Gunnarsdóttir

Fyrir framlag í þágu hjúkrunarfræðinga og hjúkrunar

Herdís Sveinsdóttir

Fyrir framlag að menntunarmálum hjúkrunarfræðinga, rannsóknum og þekkingarsköpun í hjúkrun

Fyrir framlag til félagsstarfa fyrir hjúkrunarfræðinga

Oddný M. Ragnarsdóttir

Fyrir framlag til félagsstarfa fyrir hjúkrunarfræðinga

Rúdolf Rafn Adolfsson

Fyrir brautryðjandastarf í hjúkrun

Guðbjörg Pálsdóttir

Fyrir brautryðjandastarf í hjúkrun

Fyrir framlag til þróunar hlutverks sérfræðings í hjúkrun