Forgangsopnun orlofsvefs fyrir sumarið 2026 fer fram frá mánudeginum 16. mars til miðvikudagsins 18. mars. Opnun fyrir bókanir á orlofstímabilinu er háð punktainneign sjóðfélaga. Punktar fyrir árið 2025 verða lesnir inn í febrúar. Hver sjóðfélagi, sem ekki hefur leigt orlofshús síðastliðin tvö sumur, getur að hámarki bókað eina viku á orlofstímabilinu júní til ágústloka.
Forgangsopnunin opnar kl. 10:00 eftirfarandi daga:
- Mánudaginn 16. mars
112 punkta og fleiri og hafa ekki leigt orlofshús síðastliðin 2 ár, geta bókað og greitt
- Þriðjudaginn 17. mars
82 punkta og fleiri og hafa ekki leigt orlofshús síðastliðin 2 ár, geta bókað og greitt
- Miðvikudaginn 18. mars
15 punkta og fleiri og hafa ekki leigt orlofshús síðastliðin 2 ár, geta bókað og greitt
Almenn opnun fyrir bókanir í orlofshús sumarið 2026 verður svo miðvikudaginn 1. apríl 2026. Þá geta allir sjóðfélagar, sem eiga til þess punkta, leigt orlofshúsnæði.
Fleiri gjafabréf Icelandair fara í sölu 1. mars og svo aftur 16. mars þegar forgangsopnun hefst.