Vinsamlegast tilkynnið þátttöku fyrir 16.11.2026 með tölvupósti á netfangið [email protected] og takið fram hvort þið hyggist mæta á staðinn eða hlusta á fundinn í streymi. Hlekkir til að tengjast fundinum verða sendir til þeirra sem hafa skráð sig þegar nær dregur.
- Þema málþings: Frá vitund til forvarna: Sýklalyfjanotkun, sýkingavarnir og bólusetningar
- Fundarstjóri: Guðrún Aspelund sóttvarnalæknir
Dagurinn 18. nóvember er sérstaklega helgaður vitundarvakningu um sýklalyf hjá Sóttvarnastofnun Evrópu (ECDC). Sama dag hefst vitundarvika um skynsamlega notkun sýklalyfja á vegum Alþjóðaheilbrigðismálastofnunarinnar (WHO).
Tilgangur þessarar vitundarvakningar er að minna almenning, stjórnvöld, heilbrigðisstarfsmenn og aðra aðila á þá ógn sem stafar af útbreiðslu sýklalyfjaónæmra baktería í heiminum.





