Í kjölfar undirritunar kjarasamninga hefur Félag íslenskra hjúkrunarfræðinga lagt mikla áherslu á að ljúka við endurnýjun stofnanasamninga við alla viðsemjendur, stendur sú vinna yfir. Nú þegar er búið að endurnýja stofnanasamninga við Landspítala, Heilsugæslu höfuðborgarsvæðisins, Heilbrigðisstofnun Suðurnesja, þrjú stærstu fyrirtækin innan Samtaka fyrirtækja í velferðarþjónustu og Heilbrigðisstofnun Suðurlands. Nú er einnig búið að undirrita nýjan stofnanasamning við Heilbrigðisstofnun Vestfjarða. Samningurinn gildir frá 1. apríl 2025 og nær til hjúkrunarfræðinga sem starfa á stofnuninni undir kjarasamningi Fíh við ríkið.

Með nýjum stofnanasamningum er innleitt starfsþróunarkerfi fyrir hjúkrunarfræðinga sem er mikið hagsbótamál fyrir alla hluteigandi þar sem sí- og endurmenntun er stór og mikilvægur þáttur í starfi hjúkrunarfræðinga.