Umsóknarferlið verður einfaldara en áður. Þjónustuaðilar munu framvegis senda endurhæfingaráætlanir beint til TR, í stað þess að einstaklingurinn þurfi sjálfur að skila öllum gögnum. Markmiðið er að minnka álag á einstaklinga og tryggja hraðari afgreiðslu.

Nýju greiðslurnar kallast Sjúkra- og endurhæfingargreiðslur. Þær sameina áður aðskildar greiðslur í eitt einfaldara kerfi, sem gerir greiðsluflæðið skýrara og aðgengilegra.

Einstaklingar sem þegar eru með samþykkt endurhæfingartímabil sem nær út fyrir 31. ágúst 2025 þurfa ekki að gera neitt – þeir færast sjálfkrafa yfir í nýja kerfið.

Frá 1. september tekur samþætt sérfræðimat við af núverandi örorkumati. Þetta mat byggir á heildstæðu mati á stöðu einstaklinga, þar sem endurhæfing þarf að hafa verið fullreynd eða talin ekki möguleg.