Námskeiðið er þróað hjá Brazelton Institute í Boston. Farið verður í fræðilegan bakgrunn «Að lesa í tjáningu ungbarna» Newborn Behavioural Observations (NBO) og veitt handleiðsla á meðan að færniþjálfun fer fram. Leiðbeinendur eru; Stefanía B. Arnardóttir sérfræðingur í hjúkrun og NBO leiðbeinandi á Íslandi og Anna Guðríður Gunnarsdóttir sérfræðingur í hjúkrun. Auk þess er Unni T. Vannebo, NBO sérfræðingur í Noregi okkur til trausts og halds sem þjálfari fyrir leiðbeinendur

Námskeiðið er í heild 5 dagar auk færniþjálfunar. Það hefst á 2ja daga námskeiði, 17. og 18. nóvember 2025 frá kl. 9 -16. Síðan verða tveir handleiðsludagar 12. janúar 2026 og 2. mars 2026 frá kl 9-15. Handleiðsludagar snúast um að fylgja eftir færniþjálfun. Þátttakendur þurfa að lesa handbókina, beita aðferðinni og skila «dagálum» um tvær til þrjár skoðanir og taka upp myndband af einni skoðun fyrir báða handleiðsludagana. Námskeiðið nýtist öllum sem starfa með foreldrum og ungbörnum að þriggja mánaða aldri; ljósmæðrum, hjúkrunarfræðingum, læknum, sálfræðingum, iðju-þjálfum, félagsráðgjöfum, barnaverndar-starfsmönnum og öðrum meðferðaraðilum.

Markmiðið er að þjálfa fagfólk í að lesa í atferli og tjáningu nýfæddra barna og efla sömu færni hjá nýorðnum foreldrum. Með því eru foreldrar styrktir í því að bregðast við þörfum nýfædda barnsins síns á næman og skilningsríkan hátt.

Rannsóknir sýna að NBO sem er framkvæmt með foreldrum sé til þess fallið að draga úr þróun þunglyndis eftir fæðingu, gera foreldra öruggari í foreldrahlutverkinu og stuðla að jákvæðum og styðjandi samskiptum foreldris/ra og ungbarns 0-3ja mánaða. Sjá íslenska rannsókn: Valla et al-2025-BMC_Pregnancy and Childbirth.pdf

Eftir námskeiðs- og handleiðsludaga hefst útskrifarferlið og þá þarf að framkvæma fimm “Að lesa í tjáningu ungbarna” skoðanir með foreldrum í eigin starfsumhverfi. Handleiðsla og stuðningur er veittur í öllu ferlinu. Útskriftardagur er 11. maí 2026, kl 9-15. Staðsetning námskeiðs er í DeCode húsinu, Sturlugötu 8, 102 Rvk.

Námskeiðið er haldið á vegum Heilsubrúar og Geðheilsumiðstöðvar barna, HH, Fjöldi þátttakenda = 20

Námskeiðið kostar 95.000 kr og er handbók (sem er afhent fyrir námskeiðið) og „kit“ innifalið. Skráning fer fram á heimasíðu Heilsugæslunnar.