Nám í hjúkrunarfræði er í stöðugri þróun til að mæta kröfum samtímans. Alþjóðaheilbrigðismálastofnunin hefur ítrekað lagt áherslu á þörfina fyrir aukna og víðtækari menntun hjúkrunarfræðinga til að takast á við sífellt flóknari áskoranir í heilbrigðiskerfinu. Hjúkrunarfræðinám á Íslandi hefur um áratugaskeið verið í fremstu röð á alþjóðavísu og markmið okkar er að halda áfram að vera í fararbroddi á því sviði.

Félag íslenskra hjúkrunarfræðinga boðar til upplýsingafundar um framtíð hjúkrunarfræðimenntunar á Íslandi.

Hjúkrunarfræðingar eru eindregið hvattir til að mæta og taka þátt í mikilvægu samtali um þróun fagsins og framtíð menntunar í hjúkrunarfræði.

Hlekkur á fundinn á Teams verður aðgengilegur á Mínum síðum.

Dagskrá

• Forsaga
• Framtíðarsýn hjúkrunarfræðináms
• Sjónarhorn hagaðila
• Pallborðsumræður