Loksins er komið að því að Stígamót geta boðið uppá námskeið (masterclass) með heimsmeistara á sviði áfalla og afleiðinga þeirra, bandaríska taugasálfræðingnum dr. Rebeccu Campbell. Fagfólk í ýmsum stéttum hérlendis hefur kallað eftir aukinni þekkingu á afleiðingum áfalla og Stígamót hafa um árabil dreymt um að miðla reynslu og kunnáttu Rebeccu. Þekking á hegðun í kjölfar áfalla getur stórbætt viðbrögð fagfólks og stofnana við kynferðisofbeldi og öðrum áföllum, bætt ferla og dýpkað samkennd.

Við viljum gefa þér tækifæri til að kaupa miða áður en þeir fara í almenna sölu og ég hvet þig til að nýta þetta einstaka tækifæri.

Viðburðurinn er haldinn á Hótel Natura miðvikudaginn 13. maí kl. 10-16

Miðaverð er 39.900, sætaframboð er takmarkað en 10.000 króna afsláttur af miðaverði ef þú bókar og greiðir fyrir 1. apríl

Skráning og nánari upplýsingar hér: https://stigamot.is/vara/ad-skilja-ahrif-afalla-a-hegdun-minni-og-heilsu/

Í viðhengi má sjá nánari upplýsingar um störf og afrek Rebeccu.

Dr. Rebecca Campbell hefur í áratugi rannsakað hvernig ofbeldi og önnur áföll hefur áhrif á heilann, minni og hegðun og er einn fremsti sérfræðingur heims á þessu sviði. Þekking á hegðun í kjölfar áfalla getur stórbætt viðbrögð fagfólks og stofnana við kynferðisofbeldi og öðrum áföllum. Hún hefur leitt rannsóknir sem hafa gjörbylt verklagi og hjálpað stofnunum og löggæslu sem hafa brugðist skjólstæðingum sínum að breyta vinnulagi. Á viðburðinum mun Dr. Rebecca Campbell deila reynslu sinni af sannreyndum aðferðum sem byggja á rannsóknum og fjalla um hvernig við brúum bilið milli vísindalegrar þekkingar og daglegra starfa til að tryggja að kerfi styðji betur við þolendur og brotaþola.